Video
Read full review
2017-08-23
2260 views
呢晚同人嚟到Amina Modern European，佢係間位於尖沙咀旺區嘅西式私房菜。由入口走入去經過走廊之後，就係水吧同蠔吧。燈光係柔和嘅暖色系，氣氛都唔錯。（因為我唔想啲相出嚟嘅效果偏暖色，所以之後都較咗白平衡）餐廳分咗八道菜同十道菜兩種，其中後者仲有四款主菜去揀，我哋就叫咗兩份十道菜嚟試試。侍應先將餐上小品拎嚟，呢啲係餅乾條。當晚嘅麵包有兩款，烘得外脆內軟，我比較鍾意加咗核桃同提子乾嗰款，蘸埋特製甘筍蓉，唔經唔覺就食晒。風乾火腿鹹香，食完再飲埋杯梨蓉汁，酸酸甜甜啱啱好互相中和。輕炙北海道元貝，北海道元貝燒得焦香，上面嘅三文魚子令佢更加鹹鮮，伴住椰菜花泡沫、椰菜花蓉、藜麥同醃青瓜，既清新又爽口。番茄清湯，呢個係凍湯嚟嘅，湯色清澈，仲用三文魚子同脆片裝飾，睇落唔錯。飲起嚟凍凍哋同帶甜味，餐廳仲特登用紙巾包住支凍匙羹，幾細心。中間有兩粒圓形，其實係分子料理嚟嘅，比較大嘅係用蝶豆花整，甜甜哋有啲似啫喱。比較細嘅就用番茄整，擺入口之後一咬即破，幾得意。當晚餐廳嘅鵝肝醬凍轉咗做三文魚醬凍，口感軟滑，下面仲有威化餅，同埋用黑椒碎、血橙汁同血橙肉伴碟，入面仲有屬於分子料理嘅油醋汁爆珠，同沙律
呢晚同人嚟到Amina Modern European，佢係間位於尖沙咀旺區嘅西式私房菜。
由入口走入去經過走廊之後，就係水吧同蠔吧。
燈光係柔和嘅暖色系，氣氛都唔錯。
（因為我唔想啲相出嚟嘅效果偏暖色，所以之後都較咗白平衡）
餐廳分咗八道菜同十道菜兩種，其中後者仲有四款主菜去揀，我哋就叫咗兩份十道菜嚟試試。
侍應先將餐上小品拎嚟，呢啲係餅乾條。
麵包
40 views
0 likes
0 comments
當晚嘅麵包有兩款，烘得外脆內軟，我比較鍾意加咗核桃同提子乾嗰款，蘸埋特製甘筍蓉，唔經唔覺就食晒。
風乾火腿鹹香，食完再飲埋杯梨蓉汁，酸酸甜甜啱啱好互相中和。
輕炙北海道元貝
34 views
0 likes
0 comments
輕炙北海道元貝，北海道元貝燒得焦香，上面嘅三文魚子令佢更加鹹鮮，伴住椰菜花泡沫、椰菜花蓉、藜麥同醃青瓜，既清新又爽口。
番茄清湯，呢個係凍湯嚟嘅，湯色清澈，仲用三文魚子同脆片裝飾，睇落唔錯。
飲起嚟凍凍哋同帶甜味，餐廳仲特登用紙巾包住支凍匙羹，幾細心。中間有兩粒圓形，其實係分子料理嚟嘅，比較大嘅係用蝶豆花整，甜甜哋有啲似啫喱。比較細嘅就用番茄整，擺入口之後一咬即破，幾得意。
當晚餐廳嘅鵝肝醬凍轉咗做三文魚醬凍，口感軟滑，下面仲有威化餅，同埋用黑椒碎、血橙汁同血橙肉伴碟，入面仲有屬於分子料理嘅油醋汁爆珠，同沙律菜一齊食好夾。
龍蝦濃湯
19 views
0 likes
0 comments
龍蝦濃湯，侍應話碟邊嘅係乾身嘅龍蝦籽，可以將佢加入湯度飲。湯味濃郁、質感creamy，溫度就暖暖哋，唔怕辣到嘴唇。
香煎法國鵝肝，同行嘅人話鵝肝好香口，油份又唔會太重，同灑晌上面嘅炸牛蒡絲、開心果碎，仲有南瓜薯蓉、黑醋一齊食就可以解膩。
香煎大蝦
15 views
0 likes
0 comments
因為我唔食鵝肝，所以就改咗做香煎大蝦，大蝦燒得香噴噴，伴碟方面除咗無開心果碎等等之外，其他嘅大致相若。
檸檬木煙燻阿拉斯加蟹肉，蟹肉、梨肉、紫椰菜、生菜、麵包粒等等用玻璃樽載住，另外嘅有機雞蛋同羅勒油柚子醬就分別用兩個小量杯拎嚟。
將木蓋打開，樽入面嘅燻煙即時湧出，傳嚟陣陣怡人嘅檸檬木芳香。再將小量杯入面嘅嘢加入去撈勻嚟食，感覺軟滑輕盈。
番石榴雪葩
11 views
0 likes
0 comments
餐廳晌上主菜前先用番石榴雪葩做間場，微微酸甜，可以清一清味蕾。
然後就係主菜之一嘅香煎澳洲黑盲鰽魚，魚皮煎得香脆，魚肉就比一般魚類扎實，下面有啲燴雜菜，加埋一齊食幾討好。
紅酒燴牛面肉
13 views
0 likes
0 comments
紅酒燴牛面肉，牛面肉花咗長時間去燉煮，用刀叉切開已經覺得軟腍腍，咬起嚟就好鬆化，用小番茄、小甘筍、海鹽等等伴碟，食起嚟幾平衡。
食完主菜，侍應就拎咗個小木盒嚟，入面放咗多款茶包同花茶。
我哋分別揀咗茉莉花同菊花，餐後飲花茶可以消滯。
之後就到甜品時間，自家製柚子芝士蛋糕用鮮藍莓、紅桑子、啫喱、開心果碎等等點綴。
另一碟用咗木板咁拎嚟，賣相就更加吸引。柚子芝士蛋糕食起嚟滑溜，味道就比較溫和。
雪影
15 views
0 likes
0 comments
雪影，餐牌寫有五款口味，而我哋當晚就係紅桑子同榛子兩款，甜度唔高，仲有微微嘅可可豆甘澀。
呢度嘅食物幾有驚喜，仲大玩分子料理，出嚟效果同味道都討好。餐牌仲寫咗大部份菜式嘅主要材料，侍應拎嚟時亦會稍為講解一吓。
要留意嘅係，餐廳每道菜之間都有一段幾長嘅空檔，當晚食吓食吓，都最少用咗四小時先完成。對於步伐急速嘅香港人嚟講，四小時實在太花時間，但係偶爾同摯愛或親朋好友停落嚟慶祝相聚都不為過。
Post
