東海酒家 (Closed)

今晚同朋友去左The One東海度食晚飯! 真係食到火火火呀! 首先，我係星期二已經預訂左晚上七點半嘅檯，我準時七點半去到，個知客姐姐mark左名然後就叫我等! 我唔知係無檯定點，等左十分鐘，又問吓個姐姐係點，佢定係叫我等，無話我知幾時有檯，再等十分鐘，又問，又等，其實點解預訂左檯都要等咁耐? 問個姐姐，佢唔理我，話"係也，等"，最後成八點先有檯，個姐姐態度差，好似問係我地嘅錯! 坐底左大閘蟹套餐，個湯好快就到！之後啲蟹粉小籠包，蟹粉蒜容包即刻到，好似快餐，要即刻還枱咁，未食完個湯已經來大閘蟹! 不過有得食好個無得食，食完隻蟹就等左成個鐘都無嘢食! 我地坐左成個鐘，追左好多次，啲侍應唔係當睇唔到，就係話追左，但係啲食物係無來到! 其間侍應倒瀉可樂，話比翻個可樂我地，點知又消失得無影無蹤！茶無水，要求沖水，最後都係無人理，自己倒! 最勁係無啦啦啲菜同烏冬未上就上糖水! 最後我地受唔住，叫左個侍應去叫經理嚟，佢竟然話經理都好慘，好受靶，叫我唔好搵經理!!!! 個經理出到嚟，同佢講佢咩都係哦哦哦，無任何解決方法，又係態度差! 我覺得今時今日係唔可以咁嘅 customer service.