華特餐廳

Open Now

Now Closed

復活節其中一項活動就係high tea, 是日揀咗山長水遠嘅迪迪尼，無非都係因為個tea好靚好吸睛，影相呃like一流美女與野獸套卡通我細細個已鍾意，所以呢個tea以佢做主題真係食正條水。玫瑰造型嘅士多啤梨rose mousse同紅菜頭豬肉批有樣有滋味，pandora字樣嘅芒果mousse tart亦好鮮甜，反而Belle條黃色晚禮裙(檸檬曲奇)雖然個look最靚，但就平凡啲，只係微甜帶檸香嘅糖霜曲奇，不過都算鬆脆嘅。。另外冇影到相嘅蟹肉蛋白都好鮮味好正，鹹得嚟又滲少少甜味，暖暖哋又滑口。米奇頭scone都ok,拍得住出面5星酒店tea set水準，唔會太硬掘掘~嘢飲方面就前面矮啲嗰杯(唔記得咩名)好飲啲，飲落有幾種層次，既有甘筍味亦有芒果汁嘅香甜。後面嗰杯就好似士多啤梨梳打咁，都幾爽口。