Flames (海濱匯)

Open Now

Now Closed

再一次嚟到呢間好chill嘅餐廳,今次一收工大約6:30就嚟到,見到好多人都係放工過嚟happy hour。佢哋嘅環境的確令人覺得好relax,飲杯酒同朋友食吓嘢,的確係一個唔錯嘅選擇。首先嗌咗個避風塘雞翼同黑松露薯條,一路同朋友吹水一路食下小食。避風塘雞翼炸得香脆,面頭仲有D麵包糠,豆豉同炸蒜粒,配搭更惹味。黑松露薯條亦都係新鮮炸起,不過我就覺得可以多番少少黑松露味。食到咁上下仲嗌咗個巴馬火腿凱撒沙律同燒大蝦三文魚子龍蝦汁扁意粉。沙律份量都幾多,食極都仲有,沙律菜都好新鮮,醬汁方面佢亦都唔會落得太多,啱啱好。燒大蝦三文魚籽龍蝦汁扁意粉有2大隻燒大蝦,肉質都幾爽甜,蝦殼仲有微微嘅燒焦香。扁意粉亦都煮得啱啱好而且好掛汁,龍蝦汁亦都好creamy。唯一美中不足就係真係唔係好覺佢有三文魚籽。