Video
Read full review
2017-04-04
1263 views
去中環區好多人都諗住會去SOHO區先有好嘢食，今次就有朋友帶我響蘭桂坊附近食呢一間西餐廳！估唔到真係又有一番驚喜！地點就響蘭桂坊嘅一條小街安和里轉入去，門面不大，但算係小街中嘅一點光明！呢度有happy hour, 人唔算多，環境好舒適！地方夠晒闊落！呢度個Menu都好得意，將食物瞓咗草本，天，地，海。顧名思義就係蔬菜，禽鳥，肉類同海鮮。中環區來講呢一間西餐廳價錢算係十分化算！小食叫左potato crisp nachos! 原來呢度係用薯仔片成一片片薄片炸起，十分香脆！同平時其他餐廳用現成墨西哥粟米片完全唔同！香好多！上面仲有avocado 同cream cheese, 蕃茄醉，味道超夾又開胃！係我食過最好味嘅一個nachos!! 唔想食凱撒沙律咁悶，叫左個羽衣甘藍沙律薄切牛脷！羽衣甘藍係近年新興嘅本草植物，對心臟健康好好！食落味道好鮮，質感小小爽完全無草青味！佢用上小小沙津醋好開胃！好特別！值得一試！和牛鵝肝漢堡好的式，但食落口感十足！和牛好厚，而且充滿肉汁，牛味濃，一絲絲嘅纖維食落有咬口！鵝肝油份十足，入口即溶。好享受！龍蝦意粉上枱時一眾女生都好開心！大大隻龍蝦好吸睛！但原來餐廳
地點就響蘭桂坊嘅一條小街安和里轉入去，門面不大，但算係小街中嘅一點光明！
呢度有happy hour, 人唔算多，環境好舒適！地方夠晒闊落！
呢度個Menu都好得意，將食物瞓咗草本，天，地，海。顧名思義就係蔬菜，禽鳥，肉類同海鮮。中環區來講呢一間西餐廳價錢算係十分化算！
小食叫左potato crisp nachos! 原來呢度係用薯仔片成一片片薄片炸起，十分香脆！同平時其他餐廳用現成墨西哥粟米片完全唔同！香好多！上面仲有avocado 同cream cheese, 蕃茄醉，味道超夾又開胃！係我食過最好味嘅一個nachos!!
唔想食凱撒沙律咁悶，叫左個羽衣甘藍沙律薄切牛脷！羽衣甘藍係近年新興嘅本草植物，對心臟健康好好！食落味道好鮮，質感小小爽完全無草青味！佢用上小小沙津醋好開胃！好特別！值得一試！
和牛鵝肝漢堡好的式，但食落口感十足！和牛好厚，而且充滿肉汁，牛味濃，一絲絲嘅纖維食落有咬口！鵝肝油份十足，入口即溶。好享受！
龍蝦意粉上枱時一眾女生都好開心！大大隻龍蝦好吸睛！但原來餐廳已經好細心咁將龍蝦起肉，混入意分中！意粉夠彈牙，小小辣！帶出龍蝦肉嘅鮮甜！甜在其中。
我地仲叫左個baby ribs!! 肉好軟好嫩！而且BBQ醬汁好入味！一份有4條骨，但肉好多，份量一d都唔小。質素比好多外國餐廳好！
今次我連自己杯嘢飲都好想介紹一下，佢叫42 berries!顧名思義係由多種唔同嘅莓製成，我個人最Like!! 好飲之外佢嘅賣相仲一流！中間用咗一條冰柱，上邊用咗一個用冰雪成嘅小碗裝住幾粒berries!!好靚好有心思！
雖然已經好飽，但令到我哋會來嘅其中一個原因就係呢度嘅甜品！職員用酒淋起點火，大家都熱血沸騰舉高相機！原來雪糕球外面用咗蛋糕包住，等火熄滅之後就淋上桑莓醬。中間係滑滑嘅云呢拿雪糕。建議唔好點太多碟上嘅醬汁，因為剛才淋上嘅酒全部流入其中，點太多會酒味過濃。
其實中環區真係好多小店好食，呢間小店地點方便，唔使行到上半山。happy hour直落晚飯再食甜品消夜都仲可以！職員服務態度友善，環境又闊落。最緊要係食物質素好價錢又唔貴！下次要再嚟試埋其他菜！Post
