Video
Read full review
2017-03-24
230 views
慶祝周年紀念, 訂左6點半準時到達, 去到門口第一感覺有D伏. 就係普通隔離家人既屋企道門, 因為舊個門鐘壞, 所以另外貼左一個新既門鐘係個大門上面, 仲要貼到東歪西倒. 咁求其都有, 同自己講或者入面另一片天呢...入到去...真係屋企咁樣. 我唔明點解咁多COMMENT話入面氣氛好好!! 少少裝修都無. 牆上貼左D淘寶RMB5蚊有36個既蝴蝶牆貼作裝飾...大佬呀. 講緊你收緊最平一個set係$980 !!! 同自己講, 私房菜唔係食裝修(咁佢都賺到好盡) 又可能D食物超級西利好食呢?!?! 坐低左. waiter就問要唔要水. 之後水來左, 過左5分鐘有多, 我同老公你眼望我眼...咩事, 無menu?! 我問老公係咪訂台果時已講左食d咩, 佢話無....最後要自己問佢先拎個menu來睇, 有8 course $980 同10 courses $1180...叫左$980 X 2, 因為無信心. 好快有人拎左兩片麵包同甘荀醬來. 2樣都幾好食. 不過真係好少. 出去食FINE DINNING通常D麵都有好幾舊唔同款. 呢度真係只有每人2塊 (超薄+細過梳打餅) 之後來左個HAM
好快有人拎左兩片麵包同甘荀醬來. 2樣都幾好食. 不過真係好少. 出去食FINE DINNING通常D麵都有好幾舊唔同款. 呢度真係只有每人2塊 (超薄+細過梳打餅) 之後來左個HAM同D用醋浸既梳菜. 呢個starter ok啦. 無咩特別.
上完呢兩樣食物之後, 等左半個鐘先上另一款係帶子黎! 個帶子ok既. 幾好食. 暫時來講都算合格, 當時7:15分 開始有其他客陸陸逐逐黎到.
又等到7:41分, 即係又差唔多半個鐘. 又上另一款菜 (紅菜頭汁三文魚). 當時我發覺到. 果d 7點或打後入坐既客人上菜奇快. 我坐左個幾鐘上到呢個三文魚, 佢地坐半個鐘又係同時一齊上到三文魚?!呢個三文魚好差, 成件事得一個字"酸"!! 好酸! 完全食唔到佢係魚黎!
又再隔左好耐8:10分送來龍蝦湯, 呢個幾好味! 無一般龍蝦湯有果種苦味! 幾好的! 當時已經有5台客. 除左一台8點先入坐既客人外. 全部一齊上來呢個湯! 我明點解我樣樣都要等半個鐘. 因為佢地唔會理你630到定730到. 佢係會等埋一齊先煮!! 然後一齊上!!
今次快左少少, 唔洗半個鐘, 8:23送上煎鵝肝, 好薄, 好細, 好乾. 一點JUICY既感覺都無, 無油, 有渣. 好失望. 配一啖份量既紅酒煮天使麵. 個麵一舊野咁...幾難食
OK! 食完呢個之後因為另外有幾台係10個course既, 所以我地就係度等等等等等, 因為我地要等佢地食完果2個extra既個廚先會理我地呢台點8courses既 (我估) 等到8:55. 真係唔係路! 同佢講可唔可以快d, 趕時間 (已坐左2.5hrs)! 佢立即就拎左個蕃石榴soba來!
大佬之後係soba! 有無咁難整呀. 等左over 半個鐘! 呢個ok既幾清新但已經個肚有d火, 之後佢竟然5分鐘9:03就出埋個maincourse 比我!咁之前咩事樣樣都咁Q耐先出到? MAIN係糟雪魚(唔記得係咪呢個名了) 個魚都算好食既. 入面都滑, 表皮煎白, 配個應該係茄子粒. ok啦合格既. 但份量好少.
又超快速地9:13分鐘送埋個DESSERT. 每人半件檸檬TART, 味道不過不失. 但餅底"林"哂. 因為我話趕時間, 上DESSERT時已點埋飲品LATTE, 因為佢話如果飲花茶要搞好耐....怕左佢. LATTE好麻麻, 算啦唔係來飲咖啡. 唔洗講.
Other Info. :
呢間野我真心唔明點解可以咁多好評, SERVICE係OK的, 但食物絕絕對對只係一般, 氣氛絕絕對對係無! 點都唔值賣單要2K! 2K絕對可以有更多更好既選擇! 記得舊年周年紀念係去ICC Ritz Carlton TOSCA LUNCH! VIEW一定無得輸!! 米之蓮一星! 而SERVICE係一流中既一流!! 當日因為WAITER搞錯左, 未上第3道菜就送左甜品上來. 經理竟然因為咁主動每人都FREE左一個COURSE作歉意. 其實真係好小事, 我地都無介意過. 而且之後再送返來果份甜品係重新制作(因為寫字同畫花有少少唔同左)! 唔係拎返之前送來果份比我!! :flower: TOSCA既SERVICE真係好IMPRESSIVE!! 我想話, TOSCA DINNER SET係$1400!! AMINA收 $980/1180 真係覺得自己中伏得好緊要
(The above review is the personal opinion of a user which does not represent OpenRice's point of view.)
Post
