Video
Read full review
2022-11-10
1895 views
今日朋友放假又同我去食食食🤤今次試咗呢間CP值極高嘅🦪屋我做晒資料蒐集🙊北木島喜多嬉牡蠣屋係上個月10月先開嘅居酒屋，位於中環擺花街。佢哋喺岡山縣嘅北木島有牡蠣養殖場，歷史悠久，盛產高品質嘅生蠔，佢哋嘅牡蠣更獲得 2022年度 OMOTENASHI SELECTION 大獎，一定要試！IMG:12]佢哋有60分鐘$398/90分鐘$498 放題惠顧放題都會有一份頭盤喜多嬉九品，各款菜品會因應時節改變嘅，確保係時令新鮮嘅食品。-日本直送象拔蚌刺身-喜多嬉牡蠣茶漬飯-二色燒活白鰻-天婦羅秋葵-手工月見燒鳥串-天婦羅紫蘇葉吞拿魚蓉-喜多嬉牡蠣刺身-時令沙律-日式漬物九宮木格賣相非常精緻，有幾種特別推介，喜多嬉牡蠣茶漬飯以牡蠣高湯炮製而成，濃郁嘅精華滲入每一粒米飯，齒頰之間滿佈蠔香。天婦羅紫蘇葉鋪滿吞拿魚蓉，咬落去同時有香脆同綿軟嘅雙重口感！放題可以食燒帆立貝、鐵板烤牡蠣、牡蠣刺身，我想講一定夠飽！我自己食咗十幾隻🦪🙊同埋食咗下面呢啲👇🏻我想講Lunch食完到夜晚我都唔肚餓囉😮💨我地都估唔到試咗咁多嘢，好似餓鬼上身咁🤣🤣-鐵板烤牡蠣香濃嘅蠔味飄散出嚟，每一隻都肥美飽滿，鮮甜多汁。配上秘製酸汁
今次試咗呢間CP值極高嘅🦪屋
我做晒資料蒐集🙊北木島喜多嬉牡蠣屋係上個月10月先開嘅居酒屋，位於中環擺花街。佢哋喺岡山縣嘅北木島有牡蠣養殖場，歷史悠久，盛產高品質嘅生蠔，佢哋嘅牡蠣更獲得 2022年度 OMOTENASHI SELECTION 大獎，一定要試！IMG:12]
佢哋有60分鐘$398/90分鐘$498 放題
惠顧放題都會有一份頭盤喜多嬉九品，各款菜品會因應時節改變嘅，確保係時令新鮮嘅食品。
-日本直送象拔蚌刺身
-喜多嬉牡蠣茶漬飯
-二色燒活白鰻
-天婦羅秋葵
-手工月見燒鳥串
-天婦羅紫蘇葉吞拿魚蓉
-喜多嬉牡蠣刺身
-時令沙律
-日式漬物
九宮木格賣相非常精緻，有幾種特別推介，喜多嬉牡蠣茶漬飯以牡蠣高湯炮製而成，濃郁嘅精華滲入每一粒米飯，齒頰之間滿佈蠔香。天婦羅紫蘇葉鋪滿吞拿魚蓉，咬落去同時有香脆同綿軟嘅雙重口感！
放題可以食燒帆立貝、鐵板烤牡蠣、牡蠣刺身，我想講一定夠飽！我自己食咗十幾隻🦪🙊同埋食咗下面呢啲👇🏻我想講Lunch食完到夜晚我都唔肚餓囉😮💨我地都估唔到試咗咁多嘢，好似餓鬼上身咁🤣🤣
-鐵板烤牡蠣
香濃嘅蠔味飄散出嚟，每一隻都肥美飽滿，鮮甜多汁。配上秘製酸汁、XO醬、芝士醬、蒜蓉醬 、泰式辣醬、孜然醬6款醬汁，更加滋味
-牡蠣刺身
新鮮到港嘅北木島喜多嬉牡蠣非常鮮甜香滑，配埋主廚特製嘅土佐酢啫喱、辣蘿蔔蓉同埋蔥花，既能帶出蠔嘅鮮味，又有多重嘅口感，重點食多幾隻都唔會膩
-牡蠣天婦羅
外層炸得非常香脆，一啖咬落去又脆又爆汁，超正。
-燒鳥三角胸軟骨
用雞前胸嘅三角軟骨整嘅串燒，味道更香，又冇油膩感，而且仲好爽脆
-牡蠣釜飯
主廚用牡蠣高湯同新鮮嘅蔬菜燘煮出材料豐富嘅牡蠣釜飯，再配上香煎牡蠣，每一啖都充滿蠔香
-牡丹蝦
味道濃郁，肉質厚實鮮嫩，燒過嘅蝦膏更加香甜美味
-手工月見燒鳥串
用雞肉、雞前胸三角軟骨、紫蘇葉同日本大蔥製成嘅，肉質香嫩配埋日本蛋黃同醬汁，令雞肉嘅味道更加突出
-燒鳥皮蝦膠串
燒過雞皮非常香脆，包住新鮮手打蝦膠，做到外脆內彈牙嘅口感，完全過足口癮
-活燒白鰻魚串
用愛知縣三河灣百年鰻魚老店出產嘅白鰻魚，肉質彈牙厚實，魚皮油潤香脆，完全冇泥味同腥味，仲可以自己揀鹽燒或者蒲燒添
-牡蠣五島手延湯烏冬
湯底可以揀牡蠣濃湯/辣濃湯，牡蠣可以揀香煎或者天婦羅。五島手延湯烏冬比一般烏冬幼滑彈牙，濃湯裏面有粒粒嘅蠔肉，超級滋味。
-牡蠣秘製撈五島手延烏冬
牡蠣都係可以選擇香煎或者天婦羅，撈烏冬吸收晒高湯精華，超濃縮，超鮮味！
-鰻魚牡蠣便當
可以同時品嚐三河灣鰻魚同喜多嬉牡蠣，一次過可以試哂兩個唔同地方盛產嘅魚香盛宴，一次就可以滿足到你兩個願望
~~~~~~~~~~~~~~~~~~~~~~~~~~~~~~
真係好正👍🏻睇到兩個食評話啲蠔無味，我同朋友都完全唔覺，另外值得一提嘅係店員好細心，我見到隻蛋上面有紫菜，咁就用牙籤整走佢啦，點知唔小心整穿咗隻蛋，佢即刻幫我換過隻蛋🫶🏻因為佢見我影緊相👍🏻呢個舉動好sweet吖
Post
