南亭 (凱譽)

Open Now

Now Closed

最近同朋友去左隱世居酒屋【南亭】、因爲朋友之前試過一次覺得CP值高，所以今次就叫埋我一齊去。餐廳主打串燒、而且有好多出面比較少食到既選擇。鷄軟骨：每次去食串燒必點，唔會燒到好乾、外焦內嫩，肉質嫩滑再加軟骨脆口。粟米：濃縮曬粟米既甜味、再加上外層微焦脆、好香炭火味，增加左香氣和口感。蘆筍豬肉卷：蘆筍清甜且口感爽脆，同豬肉既濃郁風味形成鮮明對比，帶黎清新既感覺。外層豬肉經過燒烤後，表面微焦，內部保持嫩滑，而蘆筍則保持脆口，口感層次豐富。墨魚香腸：墨魚汁帶少少海鮮味，燒烤後味道更加突出。同豬肉混合後，香腸口感更加豐富、非常juicy。蒜香安格斯牛柳：牛柳肉質細膩，燒後外層微焦但裏面仍然保持juicy。加上蒜蓉非常香口同牛肉好match。特上厚切牛舌芯：厚切的牛舌芯口感滑嫩而且有嚼勁。燒過之後，牛舌的油脂融化左，增添左肉汁，搭配埋海鹽同黑胡椒、令牛舌風味更加突出。