金公館 (彩明商場) (Moved) New Location

CP值高中菜@調景嶺喺港島區幫襯過金公館，記得裝修靚、食物同服務唔錯，但價錢公道。依間將軍澳分店都幾好，品牌水準穩定。幾個涼菜都好食，海蜇混咗雲耳，兩種都爽口，相得益彰。而且佢哋都比較大塊，口感更佳。酸汁好刺激食慾，拌埋蒜粒同蒽花仲好惹味呢。鴨舌滷得入味，色澤好均勻，唔係一味得個鹹字。鴨舌只係鴨一個好細嘅部位，而依道嘅鴨舌算得上厚肉，食起嚟非常香脆有𡁻勁。經典到不得了嘅蒜泥白玉，賣相如花，五花腩包住青瓜片，形成一塊塊花瓣咁，咁樣連住食唔會膩口。紅油抄手嘅餛飩皮好滑嫩，肉餡剛剛好。食落唔係十分辣，開胃但係易入口，如果太辣唔係人人食到咁辣，哈哈。烤北京填鴨同上次食一樣好味，鴨肉嫰滑，烤鴨皮好脆，無乜脂肪。用荷葉薄餅皮卷埋啲青瓜絲同大蔥絲，再加塗少少甜麵醬，將唔同嘅口感集合。荷蘭豆好翠綠爽脆，同桂花蚌都係咁有咬口，而腰果炒埋一齊幾香口。當中仲有海鮮呢，帶子鮮甜，份量都可觀。蒜片牛仔粒鑊氣十足，牛仔粒厚肉多汁，好啱送飯！蒜片脆口，如果再多啲就仲正。椒鹽九肚魚外脆內軟，出面炸到好脆，九肚魚嘅魚肉仲好完整同滑，係個炸漿薄多啲啲就無得彈喇。我哋無轉場喺依道食埋糖水，價錢好實惠喎。椰汁西米露好足料，冰