Undici

Open Now

Now Closed

呢度算得上係我食過嘅樓上小舖比較有質素，對得起價錢嘅Cafe。夜晚黎到叫左兩個意粉，椰香冬陰功海鮮意粉 - 唔會過於濃味，材料有唔少嘅蝦、蜆肉同帶子肉，椰香冬陰功香仲有少少香辣；廚師發辦今日係香辣番茄海鮮意粉，比起冬陰功意粉更濃味，茄味重，青口煮得恰到好處有鮮味入口仍軟滑。兩碟嘅意粉都仲好挺身，好味～最抵係加$48套餐已經包括餐湯、檸茶或咖啡、一款蛋糕，加多$1有慢煮鮑魚2隻。一d都唔求其，個餐湯有櫻花蝦，同埋有少少香辣蝦湯味；鮑魚個日式汁甜甜地，鮑魚好淋煙韌好食；蛋糕都算幾多款，揀嘅榛子摩卡海棉蛋糕同原味芝士蛋糕都好味，尤其係海棉蛋糕軟棉棉有榛子咖啡香味，個cream好香滑～而且檸茶有花香柚子香，味道清新獨特。