52C Medium Rare (Closed)

佐敦呢頭又開左一間新既石燒牛餐廳， 坊間有間連鎖既我都食過幾次， 所以就好奇下一d 小店舖頭既會唔會有所不同。 餐廳既裝修好靚，光線同採光都好足， 餐廳名都幾得意， 應該係想表達d 牛有52度既熟成度有密切的關係。 食物方面： 今次我就叫左一份封門柳set同埋下腰西冷既套餐。 先講下腰西冷牛味真係好突出， 牛肉的肉質相對比較淋， 刀切落去都相對容易。 而封門柳比較有咬口， 未熟前切開咗嚟睇， 西冷就係上層既脂肪比較厚， 油脂味好香。 套餐就已包一碗羅宋湯、一碗沙律、一碗白飯和飲品。 整體上都好夠飽， 食得好滿足。