Nara Thai Cuisine (新城市廣場一期)

Open Now

Now Closed

nara是泰國必食餐廳。大概7點wall in 入門，本身俾張好細既檯我地坐但根據我地要求，而且餐廳又少人所以就換左張四人檯俾我地兩個人坐，十分識do。一坐低就有蝦片食，叫左個紅咖哩牛腩，泰式炒通心菜，蟹肉炒飯，生蝦。生蝦有10隻，不過口感好凍，而且唔彈牙唔係太新鮮，個醬汁就好正宗。紅咖喱牛腩有四大嚿，口感鬆軟，入口即溶，相信慢煮左唔少時間。咖喱唔辣，食到咖喱味都食到椰汁味，但椰汁唔會蓋過咖喱味。蟹肉炒飯竟然有兩舊蝦，但都食到蟹肉既。味道唔複雜得鮮味，配咖喱啱啱好。個人覺得如果叫個菠蘿炒飯就唔係好適合食咖喱。泰式炒通芯菜雖然已經叫左少辣，但都好辣。埋單600蚊兩個人，整體環境可以， 分量不少，可以我地兩個人食唔曬。