Video
Read full review
2013-12-18
9 views
慶祝聖誕，各適其適，最簡單開心莫過於食餐好。可惜每逢聖誕，各大飯店餐廳總是人山人海，一位難求，實在令人卻步。如果唔想出街同人逼，但又想同屋企人齊齊慶祝，不如在家中搞個 home party。講到派對食物，沙律、薄餅、薯片、三文治小吃等自然唔少得，不過主菜肉食就更加唔可以馬虎了事。筆者早前就應公關和一家網上商店「Wagyu Door to Door 精肉店」的邀請，品嚐了一頓水準不俗的和牛及黑豚晚餐，在此先要說聲多謝。據聞「精肉店」原先是一家進出口的貿易公司，在肉食行業擁有超過二十年的經驗，由於老闆家族專營世界各地急凍食品，與北海道大部分的農場有生意聯繫，入到平貨，所以索性開間網上商店，專售優質靚肉與及不同級數的和牛，仲提供埋送貨服務，令客人足不出戶，安坐家中，唔使去街市，亦可以隨時隨地大快朵頤。原來客人所訂購的和牛，除了真空包裝外，仲會附送埋喜馬拉雅粉紅晶鹽、解凍用的吸水紙及煮食指引，而且仲有說明書教埋你點樣將牛扒解凍，認真細心。店裡的和牛來自北海道富良野，北海道一向以天氣好見稱，農產品同奶製品出名優質，而和牛就更加在優良的環境中飼養，所以脂肪顏色特別雪白，色澤分明。解凍完之後，仲會有
據聞「精肉店」原先是一家進出口的貿易公司，在肉食行業擁有超過二十年的經驗，由於老闆家族專營世界各地急凍食品，與北海道大部分的農場有生意聯繫，入到平貨，所以索性開間網上商店，專售優質靚肉與及不同級數的和牛，仲提供埋送貨服務，令客人足不出戶，安坐家中，唔使去街市，亦可以隨時隨地大快朵頤。
原來客人所訂購的和牛，除了真空包裝外，仲會附送埋喜馬拉雅粉紅晶鹽、解凍用的吸水紙及煮食指引，而且仲有說明書教埋你點樣將牛扒解凍，認真細心。
店裡的和牛來自北海道富良野，北海道一向以天氣好見稱，農產品同奶製品出名優質，而和牛就更加在優良的環境中飼養，所以脂肪顏色特別雪白，色澤分明。
解凍完之後，仲會有說明書教你點樣煎塊牛扒，每邊要煎多久等，簡單又易明，就算閣下是係地獄廚神，亦絕對無難度。
這一碟就是北海道富良野 A4 日本和牛西冷，今次就分成厚薄兩種食法。
厚身呢塊肉味濃郁啲，而且肉質亦比薄身嗰邊做得更鬆化，入口油香之中帶點甜味，牛味細膩，水準唔錯。
至於切成條狀薄身呢邊，油花明顯唔夠厚身般重，而且吃起來還有不少筋位，幸好煎香後又不覺過分油膩，而且細細條，吃完不覺飽滯。
至於這客匠味豚、來自日本千業縣的黑豚扒，切得厚薄適中，嫩口又不帶豬羶味，肉質爽脆多汁，吃起來水準同A4和牛比較，亦有過之而無不及，同樣叫人回味。
吃黑豚時再配以一小撮蘋果蓉，不但味道酸酸甜甜，更可洗擦油膩感。
Post
