Video
Read full review
2021-03-26
475 views
👍🏾推薦程度：泰菜嚟講算係間高檔啲嘅，環境、價錢、食物質素、服務態度都係比起普通泰菜鋪有過之而無不及。成餐飯個感覺係好舒適嘅。推薦大蝦冬陰公同炭燒豬頸肉。💰抵食程度：🇹🇭🇹🇭🇹🇭🇹🇭（4/5）如果淨係想食個泰菜冇要求嘅，會覺得呢間少貴，不過如果有要求啲嘅就會覺得個價錢算係咁，中規中矩。鬧市中嘅一點靜，坐低喺個花園平台隔嚟嘅位，好唔似喺旺角，平時嘅喧嘩吵鬧完全入唔會傳到去餐廳。由坐低到點菜到上菜嘅速度都係幾令人滿意嘅，侍應亦都會主動斟水執枱同換食甜品嘅時候換餐具！嘢食方面今次嗌咗大蝦冬陰公、炭燒豬頸肉、冬陰公芝士海鮮老鼠粄、蒜蓉包、芒果糯米飯，同泰國奶茶幾樣嘢，以二人份量都算係幾足夠。味道上個人覺得幾兩極，即係一係好重味，一係冇乜味。大蝦冬陰公整得比較偏酸，同埋味道有少少模糊，香料味較淡，但個酸味勁得嚟幾醒神，鍾意甜啲或者香料味多啲嘅手足就可能會飲到揦埋口面喇。另外上面隻大蝦係正嘅，啖啖肉之餘個蝦膏一啲都唔腥。值得再叫，同埋個湯配埋蒜蓉包又係另一個講法！蒜蓉包嘅蒜蓉牛油落得幾重手，所以香氣同味道都好夠，而且個包超級軟身，唔係硬到會插親嗰種，相信配咖哩都一定相當出色。再嚟就係炭燒泰式豬頸肉
💰抵食程度：🇹🇭🇹🇭🇹🇭🇹🇭（4/5）如果淨係想食個泰菜冇要求嘅，會覺得呢間少貴，不過如果有要求啲嘅就會覺得個價錢算係咁，中規中矩。
鬧市中嘅一點靜，坐低喺個花園平台隔嚟嘅位，好唔似喺旺角，平時嘅喧嘩吵鬧完全入唔會傳到去餐廳。
由坐低到點菜到上菜嘅速度都係幾令人滿意嘅，侍應亦都會主動斟水執枱同換食甜品嘅時候換餐具！
嘢食方面今次嗌咗大蝦冬陰公、炭燒豬頸肉、冬陰公芝士海鮮老鼠粄、蒜蓉包、芒果糯米飯，同泰國奶茶幾樣嘢，以二人份量都算係幾足夠。
味道上個人覺得幾兩極，即係一係好重味，一係冇乜味。
大蝦冬陰公整得比較偏酸，同埋味道有少少模糊，香料味較淡，但個酸味勁得嚟幾醒神，鍾意甜啲或者香料味多啲嘅手足就可能會飲到揦埋口面喇。另外上面隻大蝦係正嘅，啖啖肉之餘個蝦膏一啲都唔腥。值得再叫，同埋個湯配埋蒜蓉包又係另一個講法！
大蝦冬陰公
10 views
0 likes
0 comments
大蝦冬陰公
13 views
0 likes
0 comments
蒜蓉包嘅蒜蓉牛油落得幾重手，所以香氣同味道都好夠，而且個包超級軟身，唔係硬到會插親嗰種，相信配咖哩都一定相當出色。
蒜蓉包
11 views
0 likes
0 comments
再嚟就係炭燒泰式豬頸肉，不得不提嘅係佢個椰糖芫茜辣汁，非常出色！同行嘅桃子小姐係完全非芫茜人士，但佢食呢個汁都係津津有味，所以各位走茜人仕都可以安心服用。啱燒出嚟嘅豬頸肉又香又脆邊，配埋個辣汁就好完美咁平衡哂各種味道。
炭燒豬頸肉
9 views
0 likes
0 comments
之後就到老鼠粄，唔知係本身個冬陰公湯太重味定佢呢個老鼠粄太淡味，食嗰陣淨係食到老鼠粄個粉嘅味道，冬陰公味好淡好淡，同芝士味係幾乎冇嘅。老鼠粄嚟講下次嚟就唔會再叫喇，留番個位畀其他嘢。
冬陰公芝士老鼠粄
16 views
0 likes
0 comments
壓軸嘅係食泰菜一定要食嘅芒果糯米飯。最為驚嘆嘅係面頭嘅椰子脆片！畫龍點睛就係佢！芒果夠甜，糯米飯適中，鹹甜鹹甜，簡直係行過都要買一個即食嘅程度！
芒果糯米飯
13 views
0 likes
0 comments
泰仔奶茶就正常會飲到嘅味，唔失望但亦冇驚喜。
泰式奶茶
8 views
0 likes
0 comments
最後不得不講嘅係，佢真係好多花，擺盤都要嘅～
Post
