Video
Read full review
2022-04-19
3570 views
媽媽生日同復活節假期好近，又仲未恢復晚市堂食，見Hotel Icon 嘅Green有3-course high tea，有咸點、Easter特色甜點之外仲有一個main course，非常豐富就book位去試試~先嚟咸點，上至下左至右係諾曼特芝士片、焦糖洋蔥及白家製番茄醬十字包、意大利香草魚子婆番茄烤雞法國酥皮盒、波士崸龍蝦奶油麵包配香蒜胡椒蛋黃醬、挪威煙三文魚櫻花蝦松露蛋黄醬黑麥三文治。諾曼特芝士片、焦糖洋蔥及白家製番茄醬十字包一般般，食落有d乾。香草魚子醬番茄烤雞法國酥皮盒好的骰，酥皮盒都算crispy，作fingerfood唔錯。我地一致認為波士崸龍蝦奶油麵包配香蒜胡椒蛋黃醬最好吃，龍蝦stuffing濕潤又滑又有口感，好balanced。挪威煙三文魚櫻花蝦松露蛋黄醬黑麥三文治賣相非常討好，每人真係搵到自己隻櫻花蝦，哈哈！跟住到主菜，我哋揀咗阿根廷草飼牛柳配紅酒汁同味噌大西洋智利鱸魚配蜜糖蛋黄醬各兩份再share。Mains嘅份量唔大所以食完食甜品啱啱好。阿根廷草飼牛柳好軟有牛味，配薯蓉同羽衣甘藍。大西洋智利鱸魚煎得好香，最鐘意個藜麥飯超健康。甜品有三層，我地由最底嗰層英式傳統鬆
先嚟咸點，上至下左至右係諾曼特芝士片、焦糖洋蔥及白家製番茄醬十字包、意大利香草魚子婆番茄烤雞法國酥皮盒、波士崸龍蝦奶油麵包配香蒜胡椒蛋黃醬、挪威煙三文魚櫻花蝦松露蛋黄醬黑麥三文治。諾曼特芝士片、焦糖洋蔥及白家製番茄醬十字包一般般，食落有d乾。香草魚子醬番茄烤雞法國酥皮盒好的骰，酥皮盒都算crispy，作fingerfood唔錯。我地一致認為波士崸龍蝦奶油麵包配香蒜胡椒蛋黃醬最好吃，龍蝦stuffing濕潤又滑又有口感，好balanced。挪威煙三文魚櫻花蝦松露蛋黄醬黑麥三文治賣相非常討好，每人真係搵到自己隻櫻花蝦，哈哈！
咸點
19 views
0 likes
0 comments
跟住到主菜，我哋揀咗阿根廷草飼牛柳配紅酒汁同味噌大西洋智利鱸魚配蜜糖蛋黄醬各兩份再share。Mains嘅份量唔大所以食完食甜品啱啱好。阿根廷草飼牛柳好軟有牛味，配薯蓉同羽衣甘藍。大西洋智利鱸魚煎得好香，最鐘意個藜麥飯超健康。
阿根廷草飼牛柳配紅酒汁
41 views
0 likes
0 comments
味噌大西洋智利鱲魚配蜜糖蛋黄醬
34 views
0 likes
0 comments
甜品有三層，我地由最底嗰層英式傳統鬆餅及朱古力鬆餅開始食，好似冇咁漏~嘩！個自家製士多啤梨荔枝玫瑰果醬不得了，全家都讚不絕口，第一次去食tea出現搶jam情況，淡淡玫瑰味酸酸地又唔太甜，超清香配scone一流～
甜品
78 views
1 likes
0 comments
中層由左至右分別係蘋果蒟蒻啫喱方、柑桔白朱古力慕絲曲奇、香芒熱情果奶凍。Executive Chef話蘋果蒟蒻啫喱選用左日本蘋果，食落幾爽，蒟蒻啫喱有咬口又唔太甜，唔錯唔錯～柑桔白朱古力慕絲曲奇有金箔點綴，賣相好靚，切開有流心柑桔汁，味蕾同眼球都refreshed~ 香芒熱情果奶凍用蛋型mold盛載，多添一分節日氣息，成隻蛋咁可以假亂真，夠哂特別。中層三款甜品都係酸酸地好開胃，神奇地食完都唔會漏~
頂層三款甜品都係復活節special，有復活節朱古力杯子蛋糕配自家製紅柔莓果醬、復活兔藍莓芝士蛋糕、柑橘復活蛋馬卡龍~ 朱古力cupcake外層有銀箔而且朱古力醬有脆皮feel，口感出奇地有驚喜~ 復活兔藍莓芝士蛋糕嘅粉紅賓尼兔耳仔超cute，小朋友一定超鐘意！馬卡龍雖然用柑橘做夾心，已經比一般嘅macaron冇咁甜，但我地都係麻麻地馬卡龍，食左一啖就投降~
仲好窩心咁送咗個小Cupcake俾媽咪～
總括而言，甜點比咸點出色，尤其自家製士多啤梨荔枝玫瑰果醬。Green係少數有serve main course嘅high tea，所以如果你有個唔係好鐘意甜品嚟屋企人，呢個high tea set就啱哂，難得爸爸都ok！
服務方面以五星級酒店嚟講有少少失望，一方面可能係節日多人嘅關係，坐底左好一陣子都冇侍應生過嚟take order，水同口罩信封唔記得安排，另一方面侍應生都好green好幾位都似interns，serve主菜同dessert有d混亂就跌野咁。值得一讚Executive Chef恩勤嘅服務加返相當多嘅分數，全程非常落力，一腳踢係上main course同desserts時去每一台客人面前介紹食物，仲好nice咁主動幫忙影張family pic! 佢派卡片嘅模式都非常特別，送左一張扮credit card可以碌unlimited joy嘅朱古力card比客人，credit card number係Executive Chef嘅電話號碼，印象深刻又有心思。復活節仲有小驚喜每位顧客送左盒朱古力，簡直Happy Easter~ 媽媽表示滿意~
Menu-
Post
