Video
Read full review
2015-06-25
1006 views
上年去咗巴塞隆拿度蜜月，Eat Play Love, 都係Eat 最重要，西班牙d tapas 好多選擇，啱晒貪心嘅我，自此就愛上左西班牙Tapas，今日約左啲姊妹去街，女仔夜晚唔鍾意食澱粉質，Tapas就最啱啦! 我主動book 呢到。去到一坐低就有小食，係番茄橄欖油蒜蓉包，一人一小件，唔會太飽！蒜蓉包好脆，蕃茄好清甜唔太酸，好開胃。今次我地揀咗chef tapas menu, 6 個tapas + 2 個甜品。第一個tapas：Clams in green sauce； 湯係大蜆湯，上來時，好濃酒香，蜆肉好甜，點麵包好味，可惜湯揮發得太快，唔夠喉。第二個tapas: Grilled cuttlefish with green Allioli foam；咩來架？咩來架？ 綠色嘅醬又唔似cream， 個texture 好特別，原來係張d 生蒜打成foam, 好輕，好滑，配合墨魚好夾，d 蒜味墨魚無冇咁heavy，唔小心食多左2粒。第三個tapas: Traditional crab croquette; 印象中西班牙好多炸嘅tapas, 依個蟹肉球炸得剛好，有好多蟹肉， 又好juicy
去到一坐低就有小食，係番茄橄欖油蒜蓉包，一人一小件，唔會太飽！蒜蓉包好脆，蕃茄好清甜唔太酸，好開胃。今次我地揀咗chef tapas menu, 6 個tapas + 2 個甜品。
第一個tapas：Clams in green sauce； 湯係大蜆湯，上來時，好濃酒香，蜆肉好甜，點麵包好味，可惜湯揮發得太快，唔夠喉。
第二個tapas: Grilled cuttlefish with green Allioli foam；咩來架？咩來架？ 綠色嘅醬又唔似cream， 個texture 好特別，原來係張d 生蒜打成foam, 好輕，好滑，配合墨魚好夾，d 蒜味墨魚無冇咁heavy，唔小心食多左2粒。
第三個tapas: Traditional crab croquette; 印象中西班牙好多炸嘅tapas, 依個蟹肉球炸得剛好，有好多蟹肉， 又好juicy ， 一d 都唔似中式炸蟹鉗。個醬好特別，係用蒜蓉醬做嘅，小小辣，點唔點醬都咁好食。
第四個tapas: Stewed ox-tail in sherry wine 哈哈，chef 把牛尾用西班牙特別的些利酒煮好，放於法包上，再於肉上面加d 黑醋，食落無咁肥利，些利酒又帶出牛獨有味道，雖然又係包，但呢個配撘令我想encore 多件！
第五個 tapas: Marble potato with serrano ham, cheese and egg; 同個菜名一樣，我地見到薯角上邊有 ham, 上邊有隻太陽蛋，蛋上邊有些cheese, 點食呀？！原來喺mix 埋一齊，嘩，太好食啦！d蛋汁將cheese & ham 嘅鹹香 適當地加落淡味薯角上，口感好creamy, 有時簡單食材，加d 心思都可以整得好美味！
第六個tapas: Slow-cooked pork belly; 豬腩肉！ Oh my God！ 咁大塊肥肉，好有罪惡感！係我心大心細食唔食好嘅時候，出現係我面前嘅除左豬肉，上面有件煎得金黃嘅帶子，同翠綠露筍，L size 帶子和豬腩肉香軟嫩滑，一d卻唔肥膩, 但說實在，相對味道，造型出色d！
甜品： Egg flan with carmalized strawberryChurros with warm chocolate sauce
到甜品啦，搬出第二個胃先,
Churros 我未食過，我個friend 話churros 又叫鬼佬油炸鬼，點d 朱古力醬，香甜，少脆，不過not my cup of tea! 1 條夠啦！試下另一款啦，焦糖焗蛋白，重點係個汁，靑檸，士多啤梨同黑莓醋酸酸地， 中和飽滯感，happy ending !
其實食私房菜就係食廚師嘅心思，今次呢間餐廳無論食物造型同選擇同味道，都值得讚賞！不過如果價錢經濟啲，就好啦！encore多幾次都無咁肉痛嘛！
Post
