Flagship

Open Now

Now Closed

今日喺灣仔呢區飲完酒，咁就係呢區食埋飯咁朋友介紹呢一間餐廳比我， 其實睇外面都覺得幾靚， 咁就入咗去試。 咁我哋叫咗以下aily soup: Tomato soup， 咁呢個蕃茄湯都幾好，因為食到啲蕃茄肉同埋品嚐到番茄嘅鮮甜， 幾有味道嘅餐湯。Beet and Feta salad: 呢個紅菜頭沙律，我覺得幾特別，因為佢表面顏色上好似有啲朱古力其實唔係，你要點旁邊啲醋，咁你就品嚐到紅菜頭及醋的酸甜味。 呢個沙律真係比較特別，賣相幾有趣。Fish provencal: 有少少麵包糠萃在魚的表面， 可以增加口感， 其實呢一個魚大致上嚟講我覺得有啲似吉列魚塊，而你會食到魚嘅味道。Iberico pork: 味就Little bit salty , 但可以接受的 ，廚師煎塊扒佢令我覺得有少少似食緊牛扒， 再加上呢塊豬個豬肉有少少粉紅色，紅紅地真係好似食緊牛扒咁樣。 原來再品嘗多少少係塊豬嚟嘅。 所以其實呢一個豬我比較特別，因為係一般餐廳，自己都冇乜機會試到粉紅色的豬肉。Lemon 🍋 tart: 呢個檸檬撻 ，內有檸檬酸甜嘅味道，然後融化喺你味蕾。 不得不提佢個皮做得幾脆。