E Molto Buono (Closed)

一直以來都想同太太尋覓隱世樓上高質餐廳，向來都覺得小店都不比大集團或連鎖餐廳遜色，甚至有驚喜。今日終於俾我哋尋覓到一間無論服務、食物質素皆上乘嘅隱世樓上餐廳。餐廳位於車水馬龍嘅銅鑼灣鬧市嘅一隅—霎西街，呢邊同時代廣場嘅霎東街只係一橋之隔（鵝頸橋），但已相對幽靜。呢度一啲都唔難搵，我哋話咁易就搵到了。餐廳俾我感覺係好有情調，好適合帶女朋友／太太上嚟食餐浪漫蠋光晚餐，慶祝生日／紀念日。餐廳內播放住懷舊音樂，彷彿時光倒流三十年。頭頭盤係法國新鮮空運抵港生蠔。據負責人稱，呢幾款生蠔由於太新鮮，而且由於蠔所處嘅水域水質過於清澈，根本唔需再用香港嘅水去清洗，就咁直接就可以食到陣陣天然海水味道。配搭爽脆鮮嫰嘅蠔肉，實在鮮味無比。自家製麵包盤前菜兩款—西班紅蝦他他／意式焗釀番茄湯品兩款—鮮蘆筍蟹肉忌廉湯／意大利雜菜湯Entree—香煎（厚切！）鵝肝／香脆蝸牛薯蓉球番石榴雪葩，太太話最愛它的清新香味，好想再食咁話喎主菜兩款—香煎智利海鱸魚／燴澳洲和牛牛面頰廚師精心炮製甜品兩款最後以甜品四重奏和兩杯玫塊茉莉花茶，為這餐豐盛嘅法國大餐劃上「完美」又「非常好」嘅句號埋單二千鬆啲，食足三個幾鐘，以法國餐嚟講，價