Flames (海濱匯)

Open Now

Now Closed

Weekend 可以瞓到晏一晏，再約朋友去觀塘海濱匯 Flames 食個 Brunch，爽～餐廳設有落地玻璃，仲有個户外位置，景觀唔錯，好 Relex。 餐廳有吧枱位置，收工約埋班朋友黎呢度，坐係户外飲返兩杯，吹吹水，都幾放鬆。侍應以英文溝通為主，但餐牌設有中英文。Brunch 跟餐附送茶或汽水，咖啡就要另 +$18而家仲做緊個優惠～ 星期六、日，黎食 Brunch，兒童餐係 "免費" 㗎。8安士紐西蘭肉眼扒配燒蔬菜或薯條  $188肉眼扒點左7成熟，盤上附上燒汁同茄汁。肉眼扒肉質細嫩，脂肪少。廚師煎得剛好，一切開，仲有肉汁流出，入口肉味濃郁。薯條份量都幾多，兩個人食都足夠。蟹肉巴馬臣芝士蕃茄忌廉汁通粉  $138蟹肉份量足料，每啖都食到。長通粉口感彈牙，配上巴馬臣芝士蕃茄忌廉汁，幾creamy，係略嫌蕃茄味道比較淡。自家制甜品  +$35甜品係芝士蛋糕，係餐廳自家制。十分鐘意蛋糕個餅底，好香牛油味，而且芝士蛋糕唔太甜，係我鍾意嘅口味。