Video
Read full review
2024-09-08
301 views
寿々乃位於跑馬地，住附近嘅都係上流社會有消費力嘅食客，位於高尚地段餐廳嘅路線都係相對高檔，不過omakase 嚟講算性價比好高，有好多道菜食材超新鮮而且份量都夠飽～前菜係腐皮卷，白蘿蔔襯住比較鹹嘅唐墨，送酒一流～嚟自沖繩嘅海藻水雲酸酸地好開胃，加上白海膽味道好夾😋鱧魚清湯碗物屬於京都名物，魚肉好鮮甜，味道有啲似鰻魚或者鱔，但係唔好處就係多骨，所以家居係冇可能食到，好講究師傅嘅刀工，用「骨千切」嘅方法每一寸斬26刀而唔可以割斷魚皮，斬成可以食嘅細骨。鍾意柚子嘅味道可以用柚子浸耐啲湯，連住順菜湯都可以飲。suzuki本身聽到以為係車，原來係四國愛媛縣嘅鱸魚，蘸啲酸汁落少少紫蘇花，清香鮮甜魚肉又嫩滑～另一個魚縞鰺可以話係深海池魚王，厚切超香魚味，每日新鮮空運到港非常鮮甜，脂肪結實肉質肥嫩，刺身質地纖細柔軟，口感順滑鮮甜🤩三重縣嘅甘海老遠近馳名，sashimi生食最甘香鮮甜，大大隻口感有啲黏黏的，非常好吃😍餐廳另一個細心嘅地方係安排食物嘅次序，會照顧到食咗太耐刺身可能胃冷或者有啲膩，又會夾雜一啲熱食。上咗一道炸沙甸魚下酒一流，炸得香脆可口～緊接住北海道水八爪魚兩食，分別係腳同埋吸盤，有傳統芥末
前菜係腐皮卷，白蘿蔔襯住比較鹹嘅唐墨，送酒一流～嚟自沖繩嘅海藻水雲酸酸地好開胃，加上白海膽味道好夾😋
鱧魚清湯碗物屬於京都名物，魚肉好鮮甜，味道有啲似鰻魚或者鱔，但係唔好處就係多骨，所以家居係冇可能食到，好講究師傅嘅刀工，用「骨千切」嘅方法每一寸斬26刀而唔可以割斷魚皮，斬成可以食嘅細骨。鍾意柚子嘅味道可以用柚子浸耐啲湯，連住順菜湯都可以飲。
suzuki本身聽到以為係車，原來係四國愛媛縣嘅鱸魚，蘸啲酸汁落少少紫蘇花，清香鮮甜魚肉又嫩滑～
另一個魚縞鰺可以話係深海池魚王，厚切超香魚味，每日新鮮空運到港非常鮮甜，脂肪結實肉質肥嫩，刺身質地纖細柔軟，口感順滑鮮甜🤩
三重縣嘅甘海老遠近馳名，sashimi生食最甘香鮮甜，大大隻口感有啲黏黏的，非常好吃😍
餐廳另一個細心嘅地方係安排食物嘅次序，會照顧到食咗太耐刺身可能胃冷或者有啲膩，又會夾雜一啲熱食。上咗一道炸沙甸魚下酒一流，炸得香脆可口～
緊接住北海道水八爪魚兩食，分別係腳同埋吸盤，有傳統芥末同埋醬油漬wasabi，食法好多變化又彈牙又爽滑～
食完鮮甜嘅刺身有兩款熱食，分別係炸粟米同埋蝦丸。長崎黃粟米比較重粟米味，北海道白粟米又比較鮮甜，各有千秋～富山嘅白蝦炸成蝦丸同港式嘅蝦丸有啲差別，日式較軟身易咬口感有啲似蝦丸個口感似魚腐。
最後到飽肚又美味嘅壽司，分別係金木鯛、關鯖，魚生非常鮮美嫩滑，而昆布漬泡浸過嘅帆立貝特別軟滑～紫蘇葉配槍魷魚、北海道嘅新秋刀好好食，魚生無須烹調，食材新鮮選料上乘就非常重要。師傅千挑萬選日本各地不同嘅最佳食材，嚟自和歌山嘅吞拿魚，長崎中吞拿魚，大吞拿魚腩同埋魚生呈漸變色嘅天身，不同嘅大小同埋部位非常講究，食落都有唔同嘅脂肪厚度同魚油香味，食到停唔到口～
總括而言，鐘意食日本野嘅朋友不妨試下呢間omakase，最精挑細選嘅食材，師傅都好健談好客用心講解每道菜，值得推介👍🏻
Post
