越男仔 (Moved) New Location

一間主打越南fusion菜嘅餐廳,有多種而想不到嘅菜式。男朋友叫嘅胡志明市紅番茄四寶湯檬粉,有齊晒豬扒,扎肉,脆豬肉同豬頸肉再配上已洋蔥新鮮蕃茄炮製而成嘅番茄湯底,夠晒濃郁裏邊仲有生菜絲洋蔥乾蒜頭乾蔥頭,係濃味之選,好正。炎炎夏日我就比較鍾意食清爽D嘅撈檬,今次食嘅就比較特別有埋芝士配上炸醬同燒豬頸肉。芝士用火槍微微燒過,配上爽口嘅燒豬頸肉同埋惹味嘅炸醬牛肉加上酸酸甜甜帶有微辣嘅撈檬汁邪惡得黎帶點清新。驚喜又而想不到嘅小食之一,當大大嚿嘅鮮甜海膽遇上手撕雞,夠晒新穎有驚喜,配上微微酸甜嘅醬汁,感覺鮮味又清新。雞翼迷必試,有3款特色雞翼,我就偏愛蒜香牛油脆雞翼,炸得香脆嘅外皮充滿牛油香,再加上重口味嘅蒜蓉。依一個係喺台灣高雄啤酒節得獎菜式,一定襯熱食,充滿芝麻香又彈牙嘅蝦多士,配上邪惡嘅流心芝士,冇可能會吾好食。