GALBI TOWN

Open Now

Now Closed

去完尖沙咀做facial，聽朋友介紹尖沙嘴開左一間人氣高企由韓國人主理嘅韓燒餐廳，決定試一試究竟何方神聖。上到去十分有氣派，裝潢門面非常乾淨企理，地方寬敞，以白色為主俾人一種辦公室開party嘅感覺，店員亦十分親切帶笑容以韓文歡迎你，雖然我地得兩個人，但仍安排坐四人檯，好喜歡依度環境。前菜（⭐️⭐️⭐️⭐️⭐️）落單後，餐廳隨即用機械人送上八小碟，包括泡菜、腐皮、木耳、芥辣拌洋蔥、辣蟹等等。每一款都各有特色，估計因香港人怕辣，所以泡菜冇韓國食到嘅咁辣。辣蟹十分新鮮，口感軟化，十分開胃。亦都好喜歡各樣涼拌小碟，小小的酸酸辣辣，立刻增加食欲，而且配搭埋稍後既主食，可以一解油膩。Pork Galbi 豬肋肉 （⭐️⭐️⭐️⭐️⭐️）由於餐廳已事先醃製，因此肉質味道濃郁，蒜味非常特出，豬肉脂肪比例均勻，好軟糯冇筋，即燒好惹味。平時好怕豬肉會燒得好鞋好多渣，但餐廳預備既豬肉就無呢個問既，肉質十分鬆軟。另外好喜歡醃料既味道，香香甜甜，好配合豬肉味道。Galbi 調味牛肋骨肉 （⭐️⭐️⭐️⭐️⭐️）跟先前豬肋肉一樣用上特質韓式醬汁醃製，但今次牛的口感會更有彈性，薄燒嘅緣故會有外脆內軟嘅口感，肉汁飽滿，經專人主理讓牛肉呈現最吸引