XOXO Café Lab (Closed)

放工後想搵個舒舒服服坐低食餐飯，朋友話有間cafe一直想試，佢就帶咗我去呢度。黎得都係想試下啲有gimmick創意既菜式，所以我地嗌咗幾樣佢地既特色菜。先黎個沙律開下胃，鮮果優格沙律啲沙律菜好fresh, 份量都幾大碟，好彩係菜唔係食到好滯。呢個三文魚抱泡飯好特別，好似焗咗一層梳乎厘係飯上面咁，以為會甜甜地，但食落口感大於味道，軟林林好似好有空氣感既蛋白咁，幾得意。入面既飯炒到粒粒分明，三文魚厚身，兩個人share剛剛好。呢款士林炸雞同我係出面小食檔食到既有啲唔同，呢隻好酥香。佢應該係事先炸過一遍再落鑊炸第二次，所以啲油已經飛走晒，我用手就咁食都唔會食到手指油淋淋，好乾爽！雞肉難得唔會變乾身仲係好嫩，好想知道佢地炸雞既秘訣係咩。見到好多人都有嗌呢個韓式燒牛肋骨，搞到我地都想試一試。同樣都係份量好多，有成7-8件，啲汁甜甜地，牛肋骨燒得夠香，配生菜食可以唔洗咁膩。珍珠奶綠大大杯都係$28，唔算太甜，清清地唔錯。