Video
Read full review
2021-12-08
178 views
Gontran Cherrier地址: 尖沙咀梳士巴利道18號Victoria Dockside K11 Musea B2樓B205-B207號舖行街行到K11Musea最底層，邊行就邊閒到，一陣陣嘅香味。我一路追蹤，終於比我發現到原來係麵包嘅香味🤤。之前我聽講過，Gontran Cherrier閑閑哋都要排成半個鐘等埋單，而且啲麵包一出爐就即刻俾人賣晒 ，所以既然一場嚟到就決定唔執輸排埋一份。Strawberry Cloud Croissant 🍓🥐 $28咁啱一行到去就發現，新鮮出爐嘅士多啤梨牛角包。輕輕燒過嘅Cream，咬落去嘅口感會有少少似綿花糖。熱辣辣牛角包有好重嘅牛油香味🧈，外脆內軟， 但又唔會肥膩到食到成手都係油。Pain Au Chocolate 🍫$28咬落去有啲似牛角包，入面有甜甜地嘅朱古力餡，但我略嫌啲朱古力餡太少啦，完全唔夠喉。🤣Apple Turnover 🍎$34新鮮出爐嘅蘋果批，外脆內軟，啲蘋果仲有少少爽口嘅感覺，而且唔係太甜添。Big Kouign Amann 🍯$28外層係濃濃厚脆嘅焦糖，咬落去啲焦糖都幾彈牙。麵包外層口感偏硬，但內裹口感好軟，真係有法
地址: 尖沙咀梳士巴利道18號Victoria Dockside K11 Musea B2樓B205-B207號舖
行街行到K11Musea最底層，邊行就邊閒到，一陣陣嘅香味。我一路追蹤，終於比我發現到原來係麵包嘅香味🤤。之前我聽講過，Gontran Cherrier閑閑哋都要排成半個鐘等埋單，而且啲麵包一出爐就即刻俾人賣晒 ，所以既然一場嚟到就決定唔執輸排埋一份。
Strawberry Cloud Croissant 🍓🥐 $28
咁啱一行到去就發現，新鮮出爐嘅士多啤梨牛角包。輕輕燒過嘅Cream，咬落去嘅口感會有少少似綿花糖。熱辣辣牛角包有好重嘅牛油香味🧈，外脆內軟， 但又唔會肥膩到食到成手都係油。
Pain Au Chocolate 🍫$28
咬落去有啲似牛角包，入面有甜甜地嘅朱古力餡，但我略嫌啲朱古力餡太少啦，完全唔夠喉。🤣
Apple Turnover 🍎$34
新鮮出爐嘅蘋果批，外脆內軟，啲蘋果仲有少少爽口嘅感覺，而且唔係太甜添。
Big Kouign Amann 🍯$28
外層係濃濃厚脆嘅焦糖，咬落去啲焦糖都幾彈牙。麵包外層口感偏硬，但內裹口感好軟，真係有法國Bretagne嘅味道。
Double Cheese Danish Toast 🧀🍞$72
重點黎啦！呢個係意想唔到嘅驚喜！！！口感較煙韌；芝士滲入麵包內面，鹹鹹甜甜，但係又不膩，越食越停唔到口。味道配搭效果一流，真係好好食，值得一試！🤤🥰
Post
