Video
Read full review
2021-06-27
2407 views
寶貝姪女一歲生日，疫情限聚想開Party 🎉 都唔得。唯有分開幾張枱食一餐啦！😅 揀素食最大原因係新鮮感，而且佢呢度環境闊落，有蛋糕預定，食物仲幾啱其他小朋友，綜合各種原因，就揀咗雅。悠蔬食喇！因為分咗3小枱，我哋就只好各自叫set Lunch 啦！椰子花生南北杏雪耳湯中式素菜湯一般都係清淡，要做到湯底清徹味道濃郁，就要落足材料。呢個湯好成功，味道清爽但濃郁，淡淡嘅椰子味唔會搶走其他蔬菜嘅鮮甜，仍可以飲到粟米甘筍嘅味道，加上雪耳爽脆口感，配搭得十分好！👍🏻西瓜哈蜜瓜麥黑醋沙律瓜類水份多，配黑醋會比配沙律醬更好。黑醋微酸，西瓜哈蜜瓜又甜，非常開胃。野菜粟米雪耳忌廉濃湯＋香脆法包坊間啲忌廉湯都冇湯渣。但呢度嘅西式濃湯材料豐富，而且有好多蔬菜，十分creamy 配焗到卜卜脆嘅法包，飲完都幾飽肚。野菌甘筍腰果忌廉汁燴扁意粉 ＋ 雜錦天婦羅（$98）忌廉汁香濃幼滑，配料蔬菜豐富，扁意粉非常掛汁，食完好飽肚吓。雜錦天婦羅有炸茄子、冬菇、蕃薯，香脆可口，但配忌廉汁意粉就略嫌有啲油膩喇！松露野菌淮山麵 ＋ 香酥雲吞（$98）野菌冬菇味道濃郁，有新鮮淮山，口感爽脆，麵質偏軟，好啱個人口味，唯一缺點係湯底
因為分咗3小枱，我哋就只好各自叫set Lunch 啦！
椰子花生南北杏雪耳湯中式素菜湯一般都係清淡，要做到湯底清徹味道濃郁，就要落足材料。呢個湯好成功，味道清爽但濃郁，淡淡嘅椰子味唔會搶走其他蔬菜嘅鮮甜，仍可以飲到粟米甘筍嘅味道，加上雪耳爽脆口感，配搭得十分好！👍🏻
西瓜哈蜜瓜麥黑醋沙律瓜類水份多，配黑醋會比配沙律醬更好。黑醋微酸，西瓜哈蜜瓜又甜，非常開胃。
野菜粟米雪耳忌廉濃湯＋香脆法包坊間啲忌廉湯都冇湯渣。但呢度嘅西式濃湯材料豐富，而且有好多蔬菜，十分creamy 配焗到卜卜脆嘅法包，飲完都幾飽肚。
野菌甘筍腰果忌廉汁燴扁意粉 ＋ 雜錦天婦羅（$98）忌廉汁香濃幼滑，配料蔬菜豐富，扁意粉非常掛汁，食完好飽肚吓。
雜錦天婦羅有炸茄子、冬菇、蕃薯，香脆可口，但配忌廉汁意粉就略嫌有啲油膩喇！
松露野菌淮山麵 ＋ 香酥雲吞（$98）野菌冬菇味道濃郁，有新鮮淮山，口感爽脆，麵質偏軟，好啱個人口味，唯一缺點係湯底偏油。
炸雲吞香脆，餡料係豆腐蔬菜，口感新奇但味道唔錯。
板燒未來牛肉芝士漢堡 ＋ 紅菜頭沙律 ＋ 香脆薯角（$98）
所謂未來牛肉 (Beyond Beef) 係含高蛋白質同埋鐵質嘅植物造素肉，有益健康，口感彈牙，仿真度極高。用嚟做漢堡，真係同牛肉漢堡一樣，仲好Juicy 。如果可以份量大啲，加埋啲炒蘑菇入去，就非常完美喇！
薯角熱辣辣入口外脆內軟，但要快啲食，因為凍得快，口感就變軟。
紅菜頭沙律第一次食，估唔到咁好食，配以黑醋，化解薯角油膩感。
雪梨青檸蘆薈冰茶有好多新鮮雪梨、蘆薈粒，口味偏甜，加水飲足兩杯，抵！👍🏻
奶茶朱古力千層蛋糕作為姪女一歲生日蛋糕，係近年大熱嘅千層蛋糕。朱古力法式薄餅，配奶茶味嘅cream， 口感鬆軟仲有淡淡嘅奶茶味，非常可口。
總結一下，整體味道唔錯，但價錢略貴，性價比唔高，但試下又何妨呢？
最後，要多謝食店容忍我哋一家人（其實幾嘈吓），又幫我哋影相。希望唔好影響到其他客人啦！🙏🏻🙏🏻🙏🏻
Post
