Amaroni's New York Italian Restaurant & Café (又一城)

Open Now

Now Closed

睇過好多OPENRICE既食家都幾多人讚好,所以選擇呢間同朋友慶祝生日,今次我地只係有3個人,所以試唔到咁多款式,我地叫左4款野食,第一個菜係白汁白酒煮青口, 唔太重酒味,青口幾新鮮,第二個菜係白汁芝士焗薯片,如果加埋芝士粉食係一流!主菜係意大利海鮮飯,建議加辣椒仔同芝士粉一齊食,會野味D!最後係甜品TIRAMISU,幾重酒味,呢個係呢間餐廳最多人食,我見差唔多每枱都會叫一個,如果你地食開硬身D蛋糕多D既,呢個可能未必會鐘意,因為佢CREAM多,酒味重D,食落軟身D!整體我覺得都值得一食,因為食物唔差之外,環境都唔錯,只要你騷擾唔到其他食客,職員都唔會阻止你影相。同埋更加適合一班人食,價錢適中,每人大約$200左右,份量係好多!最好預先BOOK左枱先,因為星期六日都會幾多人等位。