Video
Read full review
2024-07-20
1071 views
Happy Friday星期五同同事去公司附近食好西🩷呢間Steak House已經嚟過好多次，價錢都偏貴，但係真心好食👍🏻👍🏻Lunch set揀一個主菜，然後加$38可以揀多兩款升級套餐嘅嘢，我就揀咗餐湯同埋薯條，同事就揀咗餐湯同埋飲品，飲品冇咩特別嘅所以唔介紹😛🦀🥦今日嘅餐湯係蟹肉西蘭花忌廉湯，味道唔錯，都有唔少蟹肉，不過略嫌冇咩西蘭花味道，亦都唔夠忌廉，稀咗啲😅🥔炸薯條次次都會叫，真係炸得好脆，外脆內軟，而且每條薯條都好均勻咁灑上鹽同埋黑椒，就算唔點茄汁都好味😋😋🦐🐷我嘅主菜係豬柳配大蝦，豬柳煎得好香😍，亦都夠腍，咬口啱啱好，唔會好似其他餐廳用咗好多鬆肉粉嗰種淋得滯，上面有啲蘋果粒蕃茄粒做嘅醬汁，好開胃好夾🍎🍅👍🏻👍🏻 大蝦開邊，肉質彈牙，但係既然開咗邊，點解唔順手挑埋蝦腸？條蝦腸真係煞風景😟🐮另外兩位同事叫嘅係封門柳，五成熟，兩位都讚口不絕，五成熟真係剛剛好，有血水👍🏻👍🏻封門柳嘅特徵係有嚼頭、牛肉味濃，所以如果要食好腍嘅牛扒嘅人就唔適合叫呢個😛😛餐廳喺北角匯嘅地舖，落地玻璃對住出邊行人路大草地，面向碼頭嗰邊比較清靜，坐落傾偈都舒服🥰🥰
呢間Steak House已經嚟過好多次，價錢都偏貴，但係真心好食👍🏻👍🏻
Lunch set揀一個主菜，然後加$38可以揀多兩款升級套餐嘅嘢，我就揀咗餐湯同埋薯條，同事就揀咗餐湯同埋飲品，飲品冇咩特別嘅所以唔介紹😛
🦀🥦今日嘅餐湯係蟹肉西蘭花忌廉湯，味道唔錯，都有唔少蟹肉，不過略嫌冇咩西蘭花味道，亦都唔夠忌廉，稀咗啲😅
🥔炸薯條次次都會叫，真係炸得好脆，外脆內軟，而且每條薯條都好均勻咁灑上鹽同埋黑椒，就算唔點茄汁都好味😋😋
🦐🐷我嘅主菜係豬柳配大蝦，豬柳煎得好香😍，亦都夠腍，咬口啱啱好，唔會好似其他餐廳用咗好多鬆肉粉嗰種淋得滯，上面有啲蘋果粒蕃茄粒做嘅醬汁，好開胃好夾🍎🍅👍🏻👍🏻 大蝦開邊，肉質彈牙，但係既然開咗邊，點解唔順手挑埋蝦腸？條蝦腸真係煞風景😟
🐮另外兩位同事叫嘅係封門柳，五成熟，兩位都讚口不絕，五成熟真係剛剛好，有血水👍🏻👍🏻封門柳嘅特徵係有嚼頭、牛肉味濃，所以如果要食好腍嘅牛扒嘅人就唔適合叫呢個😛😛
餐廳喺北角匯嘅地舖，落地玻璃對住出邊行人路大草地，面向碼頭嗰邊比較清靜，坐落傾偈都舒服🥰🥰
Post
