GREEN

去天外天飲完茶，剛好嚟食件餅做甜品，二時左右來到不用等位，餅櫃内有十多款蛋糕，今期特式係榴槤做嘅蛋糕，不過唔係我杯茶，喜歡榴槤嘅朋友可以嚟試下。 我抹茶怪當然選綠茶朱古力蛋糕啦！這個綠茶朱古力蛋糕共有8層咁多，第一層抹茶粉茶味濃郁帶抹茶苦澀味而第二層白糖粉正好中和這苦澀味，第三層抹茶慕絲，輕軟好像棉花糖，第四層係抹茶蛋糕，第五層係抹茶慕絲，第六層係濃味朱古力，第七層係朱古力脆脆， 朱古力這兩層令成件餅增加味道層次及口感，帶出畫龍點睛之效， 第八層係抹茶蛋糕， 蛋糕上面個銀色波係空心白朱古力波。 非常喜歡這個蛋糕   另外叫咗茉莉朱古力蛋糕， 朱古力香濃幼滑，最入面有茉莉花味嘅Cream，幫朱古力味帶出清香嘅口感。食完餅享受緊Rooibus紅茶之際，突然被告知三點要交枱俾下一場嘅High Tea食客  ， 唔好阻住人快手飲埋杯茶就走。 出門口時見到有條過百人長龍排隊， 場面墟冚，下次都嚟試下先。