Video
Read full review
2021-08-04
6264 views
係好幾間酒店當中，揀左呢間北角既新酒店Hyatt Centric黎個暑假Staycation，貪Hyatt Centric夠新又夠平。$1,216包一晚海景客房（唔係最低級既房），The Farmhouse 自助早餐同自助午餐，算抵玩。不過唔知點解book完過幾日就減價。經過尋日超趕既自助午餐體驗之後，第二朝又係The Farmhouse 食自助早餐！限時一個鐘，無需預約可以walk-in。我地8:10到就基本上唔洗等，走個陣就見到一條超長人龍嚇死人！一齊睇下有咩食啦！一入門口就見到糕點麵包區，有個樣好吸引既甜甜圈，有四款口味，分別係紅色，粉紅色，朱古力，同朱古力加堅果碎。我食左個粉紅色同朱古力加堅果碎，味道唔算驚艷但係都合格，如果入面多d醬就更好。其他糕點麵包有牛角包，朱古力酥，芝士丹麥酥，吉士丹麥酥，藍莓鬆餅，牛油軟包，芝麻包，白麵包，麥包。我食左個吉士丹麥酥，入面又係唔夠吉士醬，酥皮都比唔上其他五星級酒店如香格里拉，港麗等。中式包有菠蘿包同雞尾包，不過賣相唔多吸引，味道好似ok。隔離有多士爐比你自己烘麵包。再隔離有花生醬，朱古力醬，果醬同牛油比你自助，不過就唔多衛生。糕點麵包區右
經過尋日超趕既自助午餐體驗之後，第二朝又係The Farmhouse 食自助早餐！限時一個鐘，無需預約可以walk-in。我地8:10到就基本上唔洗等，走個陣就見到一條超長人龍嚇死人！一齊睇下有咩食啦！
糕點麵包區
53 views
0 likes
0 comments
一入門口就見到糕點麵包區，有個樣好吸引既甜甜圈，有四款口味，分別係紅色，粉紅色，朱古力，同朱古力加堅果碎。我食左個粉紅色同朱古力加堅果碎，味道唔算驚艷但係都合格，如果入面多d醬就更好。
甜甜圈，牛角包，朱古力酥
56 views
0 likes
0 comments
其他糕點麵包有牛角包，朱古力酥，芝士丹麥酥，吉士丹麥酥，藍莓鬆餅，牛油軟包，芝麻包，白麵包，麥包。
我食左個吉士丹麥酥，入面又係唔夠吉士醬，酥皮都比唔上其他五星級酒店如香格里拉，港麗等。中式包有菠蘿包同雞尾包，不過賣相唔多吸引，味道好似ok。
隔離有多士爐比你自己烘麵包。再隔離有花生醬，朱古力醬，果醬同牛油比你自助，不過就唔多衛生。
糕點麵包區右手面就係蘋果汁，橙汁，同豆奶。係穀物早餐隔離仲有鮮奶同脫脂奶。
穀物早餐有脆麩條，可可米，米通，同玉米片四款。
椰菜花沙律，Brie，瓜子，果乾
50 views
0 likes
0 comments
最欣賞穀物早餐隔離既好多唔同種類既堅果，瓜子，同果乾，我加左好多瓜子落乳酪度食！
乳酪
51 views
0 likes
0 comments
乳酪有明治包裝乳酪同一大兜既乳酪。
明治包裝乳酪有雜莓，士多啤梨同芒果味。明治包裝乳酪都頗爲稀，麻麻地。一大兜既乳酪有原味同士多啤梨乳酪。隔離仲有凍燕麥片，我試左少少，都係太稀。
乳酪對面有凍肉，凍肉有三款，分別係Mushroom Sausage，Salami，同Pastrami。點解連煙三文魚都無？！
比較特別係有Coppa Ham Panini，不過我無試。
沙律，芝士
34 views
0 likes
0 comments
隔離有四款撈好既沙律，分別係希臘沙律，甘筍椰菜絲沙律，椰菜花沙律，同薯仔沙律。我試左椰菜花沙律，正常。芝士有三款，分別係Emmental，Cheddar，同Brie。我最愛既Brie係可以既！芝士隔離有果乾。
水果，沙律
35 views
0 likes
0 comments
沙律
55 views
0 likes
0 comments
再隔離就係水果同沙律。
水果
34 views
0 likes
0 comments
水果有蜜瓜，西瓜同菠蘿切舊，質素正常。沙律菜有三款，唔算多。另外都有車厘茄同燈籠椒絲，最欣賞呢度有橙色車厘茄食，好鮮甜！呢度啲凍肉，沙律，水果，同芝士用玻璃櫃裝住其實就衛生啲既，不過麻煩嘅地方係一邊有人攞緊野食，另一邊個櫃嘅櫃門就一定要拉埋所以其他人就攞唔到野食，結果係等等等同等。
呢度都有咖啡機，要排長龍。
餐廳既另外一面熱食區就係中西式熱食早餐。
焗豆，豬肉腸，班戟，麵包布丁
34 views
0 likes
0 comments
西式早餐就有大路既煙肉，炸薯餅，雜菜，車厘茄，炒蛋，水煮蛋，太陽蛋，焗豆，豬肉腸，班戟，同麵包布丁。
牛肉燒賣，冬菇豬肉燒賣，麵包布丁，豬肉腸，煙肉
42 views
0 likes
0 comments
炸薯餅，雜菜，車厘茄，班戟同豬肉腸正常，麵包布丁幾好味道。
奄列
44 views
0 likes
0 comments
奄列有兩個站幫手分人流，配料有芝士，蘑菇，雜椒，洋蔥，同火腿。
班戟，炸薯餅，車厘茄，奄列
31 views
0 likes
0 comments
我見無人就叫左一份試試。芝士落唔夠，無我上次係Cafe Too食既好味。
中式早餐選擇就非常非常少，有豬肉炒飯，雜菜炒麵，粟米雞粥，白粥。
係個熱食區既另外一面就有蒸腸粉。蒸腸粉隔離係有日式咖喱（只係見到蔬菜），日式珍珠米，同味噌湯。
中式點心
42 views
0 likes
0 comments
中式點心有四款，分別係牛肉燒賣，冬菇豬肉燒賣，叉燒包同蓮蓉包。
其實見到都唔太想試，奈何其他熱野都無野好食。點心質素好差，牛肉燒賣同冬菇豬肉燒賣都係成舊粉，完全唔覺有肉或者菇，蓮蓉包既蓮蓉少得可憐。差差差！
粉麵檔
29 views
0 likes
0 comments
牛丸，豬肉丸，墨魚丸，生菜
27 views
0 likes
0 comments
粉麵檔比午餐少左選擇，不過麵多左公仔麵揀，湯底就只係得清湯。配料無左鮮蝦同雞蛋，得牛丸，豬肉丸同墨魚丸。菜就得白菜同生菜 。
今次得一個鐘食，時間上勉强夠，因爲都無太多野好食，想食d好d既肉都無，求其食飽就算。老老實實，差唔多價錢，我覺得Cafe Kool絕對係好太多！無論食物選擇，質素同無限時都完勝！當然呢度有其他野好d（例如泳池），不過就唔關餐廳事lu。
Post
