潮藝館

Open Now

Now Closed

Isqaure近戲院個層一向多野食，今之試左間潮州菜，好有驚喜。餐廳格局有啲似酒吧，但又有中式菜式提供。菠菜蟹肉羮，非常濃郁同濃稠，有新鮮的菠菜蓉和鮮嫩的蟹肉，口感非常滑順。潮陽梅膏骨，類似港式咕哩肉生炒骨，帶有少少甜酸醬味道，排骨炸過有少少香脆感。普寧炸豆腐，豆腐皮外脆但內層好軟滑，口感非常好。潮流菜重頭戲當然係獅頭鵝，鵝肉煮得非常入味又嫩滑，一啲都不鞋口，低層嘅豆腐又索滿了鵝汁，好好食。獅頭鵝片全是肉，不連骨，食得好爽。蠔仔肉碎泡飯，另一味特色潮州菜，是蠔仔肉碎的鮮味和泡飯的結合。蠔仔肉碎非常鮮美，一啲都唔鹹，搭配上熱辣辣的泡飯，好有飽肚感。牛肉炒芥蘭，牛肉煮得非常嫩滑，芥蘭的脆嫩口感同牛肉好match。配上了沙茶醬，好好味。之後叫了個桂花糕甜品，賣相精緻，充滿桂花的香氣和糕點的香甜相結合，是個完美作結。