Video
Read full review
2015-03-16
900 views
好食嘅嘢，一定會令人追住食。之前嚟食晚飯聽伙記講，佢哋星期日有自家手打burger賣，我係牛魔王，自然唔會放過。今個星期日去度，冇諗過成1點幾佢哋都full house，我哋兩位都要等位，等位嘅時候，伙記叫我哋落住單等，本來想落2個burger ,但只賣淨一份，所以只點了1個，另外佢哋有二款意粉，但其中一款又賣晒，我冇飯隱其他歺唔呃食，所以點咗明太子意粉。佢地嘅午餐選擇比較少，只得六款，同夜晚几十款比較的確係選擇少咗啲。伙記同我哋講，因為burger係即叫即煎，所以需時。等咗十五分鐘到，好在呢個等得太久嘅burger並冇令我失望，外焦內juicy,而且仲有小小粉紅，正到暈，賣$69平、靚正。值得一讚係個薯條，又粗又有質感，同M記嗰啲比，簡直係人間極品。男友食嘅意粉都唔錯，係賣相冇夜晚咁靚姐，的粉都係硬硬地嗰隻。但午市啲客就明顕街坊同市井得多，食食下發生咗件小插曲，坐我哋附近一pair躁底男女，捉住佢哋啲伙記嚟闹，又話上菜慢，又話冇人招呼，老闆娘之後招呼佢地，仲俾佢哋鬧到暈，應該係鬧唔停。全間歺廳既客人就要被迫聽佢哋狂鬧人，鬧足半個鐘唔停，好煩。點解香港人咁大怨氣，人哋唔好意思咗N次，仲
之前嚟食晚飯聽伙記講，佢哋星期日有自家手打burger賣，我係牛魔王，自然唔會放過。
今個星期日去度，冇諗過成1點幾佢哋都full house，我哋兩位都要等位，等位嘅時候，伙記叫我哋落住單等，本來想落2個burger ,但只賣淨一份，所以只點了1個，另外佢哋有二款意粉，但其中一款又賣晒，我冇飯隱其他歺唔呃食，所以點咗明太子意粉。
佢地嘅午餐選擇比較少，只得六款，同夜晚几十款比較的確係選擇少咗啲。
伙記同我哋講，因為burger係即叫即煎，所以需時。等咗十五分鐘到，好在呢個等得太久嘅burger並冇令我失望，外焦內juicy,而且仲有小小粉紅，正到暈，賣$69平、靚正。值得一讚係個薯條，又粗又有質感，同M記嗰啲比，簡直係人間極品。
男友食嘅意粉都唔錯，係賣相冇夜晚咁靚姐，的粉都係硬硬地嗰隻。
但午市啲客就明顕街坊同市井得多，食食下發生咗件小插曲，坐我哋附近一pair躁底男女，捉住佢哋啲伙記嚟闹，又話上菜慢，又話冇人招呼，老闆娘之後招呼佢地，仲俾佢哋鬧到暈，應該係鬧唔停。全間歺廳既客人就要被迫聽佢哋狂鬧人，鬧足半個鐘唔停，好煩。
點解香港人咁大怨氣，人哋唔好意思咗N次，仲要鬧。個個食客睇住個大肚老闆娘都覺得佢好無辜。個pair人走咗之後，個個都話佢哋冇品。
我嚟過幾次，橫睇掂睇呢度嘅伙記同老闆都好nice,又肯教食客，所以我撐佢哋。不過，夜晚的客人就相對斯文好多，唉大殺風景，呢舖算我哋唔好彩！耳仔受足罪！
好期待試佢地嘅午餐海南雞同醉雞。
Post