Video
Read full review
5 day(s) ago
0 views
How To Live Well📍尖沙咀河內道18號K11購物藝術館2樓201-01號舖踏入2025，先同好耐無見嘅各位講聲「新年快樂，心想事成」！近年尾多聚會、多活動，忙到完全無update過social media，亦好耐都無同朋友兩個人正正經經坐喺餐廳慢慢食返餐飯，所以2025第一個post，就決定分享我哋食得比較chill同relax嘅一餐。喺K11附近睇完牙，我哋邊行邊搵餐廳食晚飯，目標係坐得舒服嘅Cafe。發現How to live well時，已被佢大大張嘅梳化櫈同木色裝修吸引，而且A la carte價位同一般樓上cafe相若，甚至更經濟，所以二話不說入內。 💰$138 (+$15 配湯及餐包)吉列芝心豬扒・日式咖喱飯 🍛朋友揀咗邪惡無比嘅咖喱吉列豬扒飯，會話佢邪惡無比，因為塊吉列豬扒係芝心㗎，一切就流晒啲芝士出嚟，超邪惡！雖然係日式咖喱，味道微辛帶甜，但因為喺白飯上灑咗七味粉，所以撈埋一齊食嘅時候都有少少辣㗎！講返塊吉列豬扒，肉質唔會韌，除咗大量芝士之外，咬落亦有肉汁，不錯。 💰$168Seafood Pizza 🍕Pizza有9”同12”之分，兩者價錢相差$20，可
📍尖沙咀河內道18號K11購物藝術館2樓201-01號舖
踏入2025，先同好耐無見嘅各位講聲「新年快樂，心想事成」！近年尾多聚會、多活動，忙到完全無update過social media，亦好耐都無同朋友兩個人正正經經坐喺餐廳慢慢食返餐飯，所以2025第一個post，就決定分享我哋食得比較chill同relax嘅一餐。
喺K11附近睇完牙，我哋邊行邊搵餐廳食晚飯，目標係坐得舒服嘅Cafe。發現How to live well時，已被佢大大張嘅梳化櫈同木色裝修吸引，而且A la carte價位同一般樓上cafe相若，甚至更經濟，所以二話不說入內。
[價錢 Price]
💰$138 (+$15 配湯及餐包)
吉列芝心豬扒・日式咖喱飯 🍛
朋友揀咗邪惡無比嘅咖喱吉列豬扒飯，會話佢邪惡無比，因為塊吉列豬扒係芝心㗎，一切就流晒啲芝士出嚟，超邪惡！雖然係日式咖喱，味道微辛帶甜，但因為喺白飯上灑咗七味粉，所以撈埋一齊食嘅時候都有少少辣㗎！
講返塊吉列豬扒，肉質唔會韌，除咗大量芝士之外，咬落亦有肉汁，不錯。
[價錢 Price]
💰$168
Seafood Pizza 🍕
Pizza有9”同12”之分，兩者價錢相差$20，可以視乎食量/人數揀選心水尺寸。Pizza有7款口味供選擇，想食得豐富啲可以參考我哋揀嘅呢款Seafood pizza，墨魚、蜆肉、蝦同三文魚鋪滿整個pizza，亦有蘑菇同洋蔥等配料增加口感，最畫龍點睛之處，就係加入大量木魚絲，偏和風嘅口味令人驚喜。
另一值得欣賞嘅係批邊奇脆，但又唔會好似餅乾咁乾咁硬，愛食薄批嘅pizza lovers絕對要試下！
[價錢 Price]
💰$78
Coco-cold brew ☕️
因為怕夜晚會瞓唔着，所以朋友一般好少點咖啡/咖啡類飲品。但今次居然被menu上一個名為「COFFEE WITH A TWIST」嘅category吸引，揀咗杯以cold brew coffee配coconut嘅Coco-cold brew嚟試下。
杯嘅下半係濃而不澀嘅咖啡，上半則有用coconut cream同牛奶打成嘅奶泡，加入天然甜香嘅coconut syrup，入口幼滑重椰香，攪拌均勻後更有椰香奶鐵嘅風味。一杯飲品，兩種飲法，非常推介！
[價錢 Price]
💰$68
Golden Heart Tea Latte 🍹
鍾意玉桂嘅朋友，不妨叫返杯熱嘅tea latte試試。茶底選用有「南非紅寶石」之稱嘅rooibos tea，茶味突出；撞入oat milk後，口感變得更細滑。用caramel syrup增加甜味，再加入cinnamon加添風味，最後以一片apple crisp同cinnamon stick裝飾點綴一下，味覺同視覺齊齊享受。
Post
