君蘭麵包廠

Open Now

Now Closed

最記得君蘭餅店，就係每次去羅湖過關見到店舖，我一定會入去買嘢食，對於我呢個住九龍嘅人，當去尖沙咀K11Shopping 時，竟然見到九龍區都有分店！又忍唔住入去買嘢食了！店舖裝修新穎，好sharp醒！店內仍然有充滿港式風味嘅包點！首先見到佢有忌廉筒，仲有六款口味咁多，揀咗個菠蘿味嘅試吓先！仲有巨大版嘅牛角酥，有開心果口味咁特別，一於買返個試吓！原來仲有多款精緻港式曲奇，可以好似夾糖咁用自助夾去夾曲奇呢！袋裝麵包都有唔少選擇，我就買咗包雙層芝士方包，當然仲有其他包類選擇，例如午餐肉包、香腸吞拿魚卷、芥末腸仔包等！一於買嚟明天給家人做早餐！