品 (Closed)

係中環返工，同事高度推介去食一間性價比超高嘅餐廳，set lunch每位只要$128起，有 一盅鮑魚海底椰燉湯、一個主菜、每人一壺中國茶。啲侍應好專業，每上一樣野都會介紹，仲會keep住主動加茶，服務一流。首先上左每人一壺茶，侍應先倒滿一杯，話差唔多飲晒先加熱水，唔好浸住啲茶葉。跟住上左個燉湯，真係超級好飲，個湯好甜，真材實料，湯內有兩塊鮑片，煲完湯味道都仲好濃郁，超正！主菜叫左海蝦炒手打魚麵，真係海蝦，炒得啱啱好，好爽口，由於係海蝦，蝦味比較濃同甜，冇揀錯。第二個叫左原隻鮑魚花膠撈飯，鮑魚唔大隻，但火喉控制得好好，最精彩係個汁，我可以用啲汁撈幾碗飯，個汁嘅味道好豐富、有層次，應該係雞汁底，用海鮮淆湯底，冇用味精（我會知，因為對味精敏感），好濃郁，有深度嘅味道。每個主菜都有伴碟，個炸蝦丸好好食，夠彈牙爽口，外層包左芝麻，香味提升。總括黎講，百幾蚊食到5星級酒店嘅服務及食物水準真係好超值，已經約好其他同事要快啲再去食。