Video
Read full review
2024-09-11
492 views
今日同老公去左銅鑼灣樓上café食晚餐，去到嘅時候都已經係full house。餐廳播住英文歌，架上擺放左musical CD，感覺好musical。牆上掛上藝術掛畫，而最搶眼就係個月亮，擺設同氣氛都好好。雖然係樓上café，但餐牌嘅選擇非常多，同埋都有幾多signature菜式同飲品。我哋就叫左沙律、意粉、燒春雞同甜品各一，另外兩杯飲品。牛油果、煙三文魚、藜麥沙律伴蜜糖芥末醬：色彩配搭豐富，份量好多，沙律菜新鮮，另外仲有半個牛油果，煙三文魚夠大塊，鹹鹹地，配埋蜜糖芥末醬，甜甜地，好味。龍蝦扁意粉：賣相無得輸，全條龍蝦切件上，龍蝦口感彈牙，全部都係肉，意粉用左龍蝦汁煮，味道幾濃，旁邊放滿蕃茄仔，味道甜甜，整體味道又夾又好食。霹靂霹靂烤法國春雞：春雞外皮烤得脆，皮下無脂肪，香草味香，肉嫩滑帶汁，點埋旁邊嘅汁仲好食。伴碟有沙律菜，用左黑醋汁，另外仲有新鮮蕃茄仔同菠蘿，酸酸甜甜，同主菜都幾夾。Signature Deluxe Chocolate with Oreo：smoothie賣相吸引，朱古力味濃，加左明治牛奶，底部有orea餅碎，cream溶左口感較滑，味道唔太甜，好飲。Kyoto O
餐廳播住英文歌，架上擺放左musical CD，感覺好musical。牆上掛上藝術掛畫，而最搶眼就係個月亮，擺設同氣氛都好好。
雖然係樓上café，但餐牌嘅選擇非常多，同埋都有幾多signature菜式同飲品。我哋就叫左沙律、意粉、燒春雞同甜品各一，另外兩杯飲品。
牛油果、煙三文魚、藜麥沙律伴蜜糖芥末醬：色彩配搭豐富，份量好多，沙律菜新鮮，另外仲有半個牛油果，煙三文魚夠大塊，鹹鹹地，配埋蜜糖芥末醬，甜甜地，好味。
龍蝦扁意粉：賣相無得輸，全條龍蝦切件上，龍蝦口感彈牙，全部都係肉，意粉用左龍蝦汁煮，味道幾濃，旁邊放滿蕃茄仔，味道甜甜，整體味道又夾又好食。
霹靂霹靂烤法國春雞：春雞外皮烤得脆，皮下無脂肪，香草味香，肉嫩滑帶汁，點埋旁邊嘅汁仲好食。伴碟有沙律菜，用左黑醋汁，另外仲有新鮮蕃茄仔同菠蘿，酸酸甜甜，同主菜都幾夾。
Signature Deluxe Chocolate with Oreo：smoothie賣相吸引，朱古力味濃，加左明治牛奶，底部有orea餅碎，cream溶左口感較滑，味道唔太甜，好飲。
Kyoto Obsession：Signature Cocktail，裡面mix 左宇治抹茶、烈酒、日本酒同蜜糖等，抹茶味道好濃，有淡淡烈酒味，甜甜地，易入口，幾好。
開心果巴斯克芝士蛋糕：擺盤幾靚，蛋糕鋪滿開心果碎，忌廉芝士味濃，入口滲出開心果味道，口感厚實，唔太甜，食完好滿足。
Post
