Video
Read full review
2019-02-15
600 views
未打過食評，不過食完之後嘅moment 好想爆出嚟呀😬😡自問係mexi food lover🌮🌯，仲揀咗呢間慶祝情人節，因為睇openrice啲報道講啲菜色同其他墨西哥餐廳有啲唔同，所以早兩星期前 透過openrice訂咗枱，期待試試新嘢：仙人掌同試下牛油果菜式細個係加拿大留過學兩年，臨走的時候才初嚐txxo bell的taco，先知道墨西哥菜都好好味呀 （非常後悔點解咁遲先知）， 所以呢十年嚟都有喺港九試過不同墨西哥餐廳，想當初在港墨西哥餐廳的數量兩隻手都數得曬，印象深刻去過：第一次喺香港食的墨西哥餐廳係喺蘇豪但已倒閉；尖咀有一間貴而精，服務態度friendly；尖東有一間cp值很高，我都有幫襯開，大件又最抵食；還有一間連鎖店都係貴貴地，但味道不錯； 至於灣仔呢間，真係食完想表達我嘅感受呀，同埋唔會再去😠首先準時去到，店舖不大，可能因為情人節期間比較多二人booking，好多二人枱佈局 但枱與枱之間只有5cm的距離，完全冇私隱可言，所以如果你想訴說綿綿情話，隔離兩張枱嘅食客都一定會聽到，莫講話想放懷大笑傾計，而我倆不出所料被安排在中間的中間枱，當時餐廳7成full，算，情人節，理解，
自問係mexi food lover🌮🌯，仲揀咗呢間慶祝情人節，因為睇openrice啲報道講啲菜色同其他墨西哥餐廳有啲唔同，所以早兩星期前 透過openrice訂咗枱，期待試試新嘢：仙人掌同試下牛油果菜式
細個係加拿大留過學兩年，臨走的時候才初嚐txxo bell的taco，先知道墨西哥菜都好好味呀 （非常後悔點解咁遲先知）， 所以呢十年嚟都有喺港九試過不同墨西哥餐廳，想當初在港墨西哥餐廳的數量兩隻手都數得曬，印象深刻去過：第一次喺香港食的墨西哥餐廳係喺蘇豪但已倒閉；尖咀有一間貴而精，服務態度friendly；尖東有一間cp值很高，我都有幫襯開，大件又最抵食；還有一間連鎖店都係貴貴地，但味道不錯； 至於灣仔呢間，真係食完想表達我嘅感受呀，同埋唔會再去😠
首先準時去到，店舖不大，可能因為情人節期間比較多二人booking，好多二人枱佈局 但枱與枱之間只有5cm的距離，完全冇私隱可言，所以如果你想訴說綿綿情話，隔離兩張枱嘅食客都一定會聽到，莫講話想放懷大笑傾計，而我倆不出所料被安排在中間的中間枱，當時餐廳7成full，算，情人節，理解，沒多說就坐下
打開menu，平時墨西哥菜的普通菜式都幾貴，例如平時食開嘅mexi chicken wings，食開唔使90蚊仲就有八大嚿左右，而呢間就賣99蚊五嚿；再嚟睇chimichanga，食開餃子形狀的肉汁豐富的唔使100蚊有六嚿，而呢間就係99蚊左右只有四小舊，仲要係切開的size…所以其他普通款式都沒有多深究，嚟呢間就係為了吃新奇的菜式
點了五款菜和一杯lime soda，菜式有：
oaxaca cheese fundido with chorizo and chips
avocado fries
grilled cactus
chicken wings (2隻辣椒程度,5隻好似好辣)
medium rare steak
等緊菜時，見到挨窗邊嘅細圓枱有人埋單離開，所以問一問戴眼鏡男侍應可否轉枱而有番自己少少空間，佢話等佢check一check，佢走去同一位外籍男侍應講咗兩句 就去執枱，執完剛好有新客入嚟，佢哋被外籍男侍應安排咗喺窗邊位置，我有問該外籍男侍應話我有要求過轉枱，冇回覆，佢先答我是所有嘢已經pre-arranged，冇得轉，當時仲未嚟菜，還有其他空枱，可能佢覺得轉枱實在太麻煩了，或新客有要求過，但佢答我prearrange左而唔轉得，俾我嘅感覺係好懶，咁我就算數了
食飯期間，見到有其他新客，企咗一分鐘都冇人迎接
講返食物，啲餸一係唔嚟，一嚟就嚟4碟……細細的雙人枱瞬間塞滿，好有壓迫感，佢啲碟又唔細…… 真係忍唔住問咗女侍應一句：可否遲啲先再上啲菜，佢話整好咗就唔得………… 另有一位戴眼鏡男侍應上錯菜，仲想擺低一碟quesadillas，即刻同佢講冇嗌過，仲邊有位擺呀大佬……佢仲兜sauce落隔離枱嘅客人個袋，因為地方真係太迫夾了,不過職員們都有向佢哋作出一啲補償
第一下先試肉碎芝士連chips，細細碟，芝士有拉絲，啲肉碎又幾開胃，味道唔錯，不過$88咁細碟，唔抵
第二碟avocado fries，牛油果好味道，唔油膩，D sauce，又解油膩，全餐最驚喜之作
第三碟雞翼，menu寫住有兩隻辣椒，食落一啲都唔辣，但係之前睇openrice其他食評話呢隻辣椒嗰隻辣到想喊，所以雞翼可以不用試
第四碟係仙人掌，只有蘆薈味，切落有啲透明黏黏感覺，好似秋葵咁，試過新奇就冇第二次了
食完滿枱的四碟，久久都未有人收碟，望左侍應幾下都當我地無到，舉曬手先有人嚟
第五碟來了，medium rare Steak，切開內裡粉紅粉紅，但外層一絲絲的質感，好似牛腩一樣，就算用佢把專用利工，都切到支離破碎，唔知係咪我地刀工唔好😂 食落只有肉味，冇乜特別，唯獨是個salsa又後勁的辣，幾惹味，緑色牛油果醬好濃味好滑
離開的時候，出到門口我倆都即刻伸個懶腰，下次都係過返九龍食😅800蚊仲另收加一服務費……無服務可言
之後聽返男朋友講，後面枱有人自製咗一個蛋糕，雪喺餐廳度，飯後就拎出嚟食 我初時見到以為為咗慶祝情人節，原來係情侶其中一位生日，但係一支蠟燭都冇，好心呢間餐廳就免費送支蠟燭畀人啦，浪費得你幾多錢🙄個餅見到佢地自己切
總結是，如果你想試試無味的仙人掌，或想試牛油果菜式，可以來試一試，但如果你志在試試墨西哥菜，還有其他很多很多很多很多不同的餐廳你可以去，仲有唔好慶祝節日生日嚟啦，會食到唔開心，不過我倆今晚照過得好開心🌹🌹💕💕
Post