Video
Read full review
2021-11-26
308 views
我吃廚師發辦嘅經驗唔多，五隻手指數得晒，所以唔算係專家，呢啲對我黎講都幾貴嘅晚餐，每次確實令我留下深刻印象，今次都唔例外，有幾隻壽司係我食完比返張相比師傅問係咩黎，寫食評要讚要彈都講得清楚啲嘛！呢個餐牌上最平嘅餐都幾夠食，唔計前菜及清喉野，有刺身3款6件，有一款用特製醬油，食得出特色。都只係一千蚊！然後係超肥美拖羅夾紫菜，油脂洽到好處，我個人特別鍾意食軍艦，所以呢款都好加分。炙燒過嘅金目鯛，迫出皮下脂肪嘅油份，再加上烏魚子粉嚟提升魚本身嘅鮮味，係精采嘅！腦天算是我最鍾意嘅一款，超濃油香。腦天呢款魚本來係較韌，因為多根，但係師傅將筋切斷，有燒過佢，所以入口口感及味道都好有驚喜。海膽鵝肝脆脆就係呢間舖頭嘅經典啦，除咗海膽令人心心眼之外，鵝肝mousse都有驚喜，無咗鵝肝本身嘅腥味。師傅好好人，見我鍾意食嗰啲唔值錢清清喉嚨嘅食物，就送咗呢個紅酒漬橋頭俾我食
然後係超肥美拖羅夾紫菜，油脂洽到好處，我個人特別鍾意食軍艦，所以呢款都好加分。
炙燒過嘅金目鯛，迫出皮下脂肪嘅油份，再加上烏魚子粉嚟提升魚本身嘅鮮味，係精采嘅！
腦天算是我最鍾意嘅一款，超濃油香。腦天呢款魚本來係較韌，因為多根，但係師傅將筋切斷，有燒過佢，所以入口口感及味道都好有驚喜。
海膽鵝肝脆脆就係呢間舖頭嘅經典啦，除咗海膽令人心心眼之外，鵝肝mousse都有驚喜，無咗鵝肝本身嘅腥味。
師傅好好人，見我鍾意食嗰啲唔值錢清清喉嚨嘅食物，就送咗呢個紅酒漬橋頭俾我食
Post
