Video
Read full review
2023-07-08
31 views
坊間越開越多omakase，睇人介紹都睇得多，今次趁工作忙完peak season之後真係試試佢！搵到呢間omakase位於尖沙咀近k11 art mall，雖然喺鬧市中心，但入到店裝修上、聲音上都隔絕咗繁囂，不錯。整體講一講先，席前料理真係要好好immerse自己同師傅嘅交流，咁嘅體驗先值回票價。今晚有兩位師傅，都係跟過日本師傅學師嘅香港人，唔識日文我地都可以同師傅傾吓計，知多啲每一道菜嘅食法以至於concept（btw師傅真係好好傾）事不宜遲，逐道菜介紹下！🎐前菜：海膽豆腐&蛋黃醋瀨尿蝦冇諗過第一味就已經有海膽😂師傅介紹過但唔記得咗叫咩名嘅豆腐，豆味好濃郁又不失嫩滑，夾埋海膽嘅鮮甜真係好靚嘅開頭另一邊廂嘅瀨尿蝦超級嫩（嫩到問師傅究竟熟定刺身嚟😂）同蛋黃醋好搭配🎐刺身三品先來北海道伊佐木，因為有4塊可以試唔同程度嘅配搭，純魚生/少蔥/蔥+醬油/多蔥+醬油，肉質平衡到結實同嫩，再配埋芽蔥有口感層次- 再來魷魚海膽&赤貝，魷魚有嚼勁，越咬越有油香加上海膽填滿口腔嘅鮮味；另一邊嘅赤貝就爽口，點鹽食會加上海洋嘅鮮味。一煙韌一爽口咁樣嘅組合好特別- 仲有鰹魚，聽師傅講係用禾稈草燒，搭上蔥嘅口感
搵到呢間omakase位於尖沙咀近k11 art mall，雖然喺鬧市中心，但入到店裝修上、聲音上都隔絕咗繁囂，不錯。整體講一講先，席前料理真係要好好immerse自己同師傅嘅交流，咁嘅體驗先值回票價。今晚有兩位師傅，都係跟過日本師傅學師嘅香港人，唔識日文我地都可以同師傅傾吓計，知多啲每一道菜嘅食法以至於concept（btw師傅真係好好傾）
事不宜遲，逐道菜介紹下！
🎐前菜：海膽豆腐&蛋黃醋瀨尿蝦
冇諗過第一味就已經有海膽😂師傅介紹過但唔記得咗叫咩名嘅豆腐，豆味好濃郁又不失嫩滑，夾埋海膽嘅鮮甜真係好靚嘅開頭
另一邊廂嘅瀨尿蝦超級嫩（嫩到問師傅究竟熟定刺身嚟😂）同蛋黃醋好搭配
🎐刺身三品
先來北海道伊佐木，因為有4塊可以試唔同程度嘅配搭，純魚生/少蔥/蔥+醬油/多蔥+醬油，肉質平衡到結實同嫩，再配埋芽蔥有口感層次
- 再來魷魚海膽&赤貝，魷魚有嚼勁，越咬越有油香加上海膽填滿口腔嘅鮮味；另一邊嘅赤貝就爽口，點鹽食會加上海洋嘅鮮味。一煙韌一爽口咁樣嘅組合好特別
- 仲有鰹魚，聽師傅講係用禾稈草燒，搭上蔥嘅口感同酸甜酸甜嘅汁幾開胃
🎐汁煮八爪魚
呢個omakase名物，師傅話熬咗4小時以上，可以見到，呢一味嘅presentation好簡單，就係八爪魚加少少柚子zest，去突出食材本身味道，不錯的，但香味可以再多啲層次
🎐壽司七品
必須先講望住師傅切魚生握壽司真係好正，同迴轉最大分別嘅位。壽司飯暖身而唔會散，而幾款係白身魚為主（後來發現有小心思，係每款魚都有唔同配搭去加強白身魚s嘅不同）
- 金目鯛配蛋黃粉🆗
- 池魚厚身，本身都擔心會唔會腥，配咗薑蓉，同魚味可以一來一回balance到，都不錯的
- 石門鯛，問師傅話都係金目鯛啲近親，而佢就食海帶嘅，食落佢就比金目鯛更油，而呢款魚就用咗柚子胡椒配搭，有少少辣味就同上兩款魚有啲分別
- 鯖魚，食開燒鯖魚都驚佢腥，師傅就配咗紫蘇葉，紫蘇獨特嘅香味唔會搶又平衡咗鯖魚嘅魚味，所以都唔腥幾特別
- 喜之次炙燒咗，好讚的係再配上咗喜之次本人嘅肝，食落超香超濃，超讚
- kama toro都炙燒咗，配一圈紫蘇，比起平時就咁食toro多咗層次，先燒過嘅油香再有紫蘇嘅草香，冇筋就不在話下，好豐盈好有層次，好好食
- 用海膽結束本回合，係北海道嘅海膽（冇記錯呢幾個月都當造，大家把握時間食多啲！），佢比起前菜嘅海膽再再再好食20倍，唔止，紫菜都特別香，真係真係幸福感爆滿❤️🔥
🎐毛蟹燒賣
呢個佢係喺幾味壽司中間過場的，四個字超級奢華，燒賣本體係滿滿嘅毛蟹蟹肉，上面鋪魚子🤑真係將錢錢變成中意嘅形狀
🎐赤味噌湯
closing了，因為用赤味噌呢個湯係偏濃味，而可能係來自海帶，佢嘅鮮味都好充足，所以絕對對得起前面咁精緻嘅東西
🎐甜品：香印提子&啫喱
香印去咗皮，佢自然豐滿嘅甜味配清爽嘅啫喱，同埋加咗啲柚子zest吊起就唔會寡甜
食得飽唔飽？唔會捧住個肚走嘅飽
抵唔抵食？見人見智喇，只可以講真係好滿足，唔止味覺滿足，視覺都滿足。同場有其他客嚟慶生（生日快樂），咁嘅場合嚟就應該更抵食啦😚
Post
