LYKETEA BISTRO

Open Now

Now Closed

今日同朋友去左堅尼地城呢邊行下海旁，到左夜時順便係附近食埋晚餐，喺OpenRice見到呢間餐廳評分都幾高，於是就決定揀咗呢間餐廳。呢度環境都幾優雅，坐得都幾舒服，呢度嘅侍應都係講英文，雖然我英文麻麻哋，但係都溝通得到。我哋就叫咗個（creamy spinach pizza )菠菜芝士pizza，上面嗰層芝士同埋菠菜都好足料，pizza唔算太厚，厚薄適中，而且條外邊都好脆，芝士加菠菜嘅味道好配合，好creamy 又唔會好濃，總知就好正啦。小食就係叫咗一個mozzarella stick, 入邊都係芝士，外邊脆脆地，我哋兩個都幾鍾意食。最主係salmon lemon cream pasta ， 因為有檸檬嘅味道帶出咗三文魚嘅鮮味，而且佢成個醬汁係超級美味，有一種覺得好鮮甜嘅味道。總結嚟講，我覺得呢度嘅食物質素堅係高質，環境優雅，價錢都唔算貴。喺呢度嘅晚餐食得好開心。