Video
Read full review
2003-10-01
10 views
一向去開PP都幾鍾意去Thai Basil食飯,雖然係有少少貴,但以其位置環境服務及食物而言都算ok啦.呢度既裝修同餐具亦我對佢加左唔少分.食物賣相精緻,雖然未至於超好味但仍是有水準的.尋晚去UA睇無間道,見唔係好肚餓又黎左呢度(呢度碟頭細,哈),兩個人叫左青木瓜沙律,泰式辣雞生菜包同鮮蝦蟹肉炒麵,個沙律好好味,青木瓜爽口加埋花生碎同個酸汁,好開胃.雞肉唔算辣,生菜非常新鮮,有水準.個炒麵就有啲失色,麵太淋蝦亦唔夠爽,好彩個汁都幾好.最後仲叫左香蘭雪糕糯米做甜品,一向最鍾意佢哋既甜品,呢個都冇令我失望,係一球香蘭味雪糕同埋一個好煙韌既糯米團,裏面有椰絲腰果杏仁碎等,外面coat一層用椰奶同煉奶做既sauce,好味.埋單around$260,响PP差唔多啦.如果覺得貴又想試Basil啲嘢食,可以去德福姊妹店Little Basil,價錢較平款式差唔多,但環境就梗係冇得比啦,不過都食得過架
尋晚去UA睇無間道,見唔係好肚餓又黎左呢度(呢度碟頭細,哈),兩個人叫左青木瓜沙律,泰式辣雞生菜包同鮮蝦蟹肉炒麵,個沙律好好味,青木瓜爽口加埋花生碎同個酸汁,好開胃.雞肉唔算辣,生菜非常新鮮,有水準.個炒麵就有啲失色,麵太淋蝦亦唔夠爽,好彩個汁都幾好.
最後仲叫左香蘭雪糕糯米做甜品,一向最鍾意佢哋既甜品,呢個都冇令我失望,係一球香蘭味雪糕同埋一個好煙韌既糯米團,裏面有椰絲腰果杏仁碎等,外面coat一層用椰奶同煉奶做既sauce,好味.
埋單around$260,响PP差唔多啦.如果覺得貴又想試Basil啲嘢食,可以去德福姊妹店Little Basil,價錢較平款式差唔多,但環境就梗係冇得比啦,不過都食得過架
Post