座銀

Open Now

Now Closed

好耐之前見人推介完一直bookmark到去大阪旅行食過一次，真係好好味😋而且大阪係香港半價，所以一直都無太大衝動係香港食。不過近年疫情關係唔知幾時先有得再返家鄉，唯有過嚟重溫下😮‍💨-🍜雞白湯拉麵 $138美食當前，今次無認真擺靚靚打卡隨意影左兩張相就開吃🤤除咗碗邊兩塊肉仲有炸到又薄又香脆嘅牛蒡絲，糖心蛋就要另+$15不過聲稱用棵木煙燻都真係食到煙燻味～湯底呈奶白色，口感濃厚，鹹度都ok，相信沾麵版本對我嚟講應該會變左過鹹。雞胸肉同叉燒慢煮關係肉質非常嫩滑。麵條軟硬適中、粗幼亦適中。整體無論係肉類、配料、麵條定湯底都做得十分出色，當然私心最愛湯底，真心超級無敵好飲😆另外朋友嘅海鮮雞拉麵其實只係湯底嘅分別，配料係一樣，不過佢就覺得鹹左啲，我試左啖都係比較鍾意雞白湯🤤-總結：一分錢一分貨，偶爾食好啲是必須的。