Video
Read full review
2024-07-15
3101 views
晌太子「西洋菜街南」嘅一段，可以講喺條酒吧街，酒吧多不勝數，不過，近界限街位置有一家西餐廳，門面喺泥紅色磚牆加上巨型圓拱門，就變得份外突出。今們同表哥嚟到，因為佢都好少食西班牙菜，就帶佢嚟見識一下。鋪面特別設有兩張枱，旁邊又放咗啲仙人掌植物，原來喺專登俾啲帶寵物嘅客人坐晌度，飲吓嘢、食吓嘢，又唔使擔心啲寵物會騷擾到客人。原來餐廳有兩層，先講講地下，裡面裝修幾有特色，尤其是較入嘅紅磚牆，利用磚嘅凹凸砌咗一組圖案，配以柔和燈光，都頗有氣氛。另外，右邊喺廚房重地，採開放式，所以睇到師傅喺度做菜嘅模樣。由職員帶路上到二樓，真喺別有洞天，呢一層裝修就比較簡約，座位亦都多啲，特別嘅喺座位都喺單向，因為是晚有live band表演，可以一邊食嘢，一邊輕鬆聽音樂。當晚全場坐滿人，幾好氣氛。如果你想同朋友靜靜哋傾下偈，咁就當然揀坐樓下會好啲。初頭見餐廳名寫「cafe」都以為喺咖啡店，但喺一睇番餐牌寫有Tapas（西班牙小食），咁你就知佢主力應該喺西班牙菜，不過，睇埋佢嘅沙律同主菜，你又會發覺其實啲菜式都不拘一格，略帶一題，侍應就話呢佢哋啱啱轉咗新餐牌，有好多特別菜式。飲品方面，選擇就非常多元化，除咗一系
鋪面特別設有兩張枱，旁邊又放咗啲仙人掌植物，原來喺專登俾啲帶寵物嘅客人坐晌度，飲吓嘢、食吓嘢，又唔使擔心啲寵物會騷擾到客人。
原來餐廳有兩層，先講講地下，裡面裝修幾有特色，尤其是較入嘅紅磚牆，利用磚嘅凹凸砌咗一組圖案，配以柔和燈光，都頗有氣氛。另外，右邊喺廚房重地，採開放式，所以睇到師傅喺度做菜嘅模樣。
由職員帶路上到二樓，真喺別有洞天，呢一層裝修就比較簡約，座位亦都多啲，特別嘅喺座位都喺單向，因為是晚有live band表演，可以一邊食嘢，一邊輕鬆聽音樂。當晚全場坐滿人，幾好氣氛。如果你想同朋友靜靜哋傾下偈，咁就當然揀坐樓下會好啲。
初頭見餐廳名寫「cafe」都以為喺咖啡店，但喺一睇番餐牌寫有Tapas（西班牙小食），咁你就知佢主力應該喺西班牙菜，不過，睇埋佢嘅沙律同主菜，你又會發覺其實啲菜式都不拘一格，略帶一題，侍應就話呢佢哋啱啱轉咗新餐牌，有好多特別菜式。
飲品方面，選擇就非常多元化，除咗一系列意式議咖啡、熱茶之外，仲有多款無酒精雞尾酒。此外，好酒之徒亦有大把嘢揀，紅白餐酒、西班牙果酒、雞尾酒都一應俱全。
荔枝烏龍茶 $45由於咖啡機壞咗，未能得嚐店家嘅意式咖啡，退而求其次，選咗荔枝烏龍茶，因為，今餐食嘅嘢都係比較味濃，所以，配返個清淡嘅調和一吓。
Refreshing Passion $68表哥就想試下啲無酒精雞尾酒，同樣，諗住食啲濃味嘢，所以，揀咗呢一杯以熱情果、芒果、橙汁、梳打水溝成嘅特飲，佢話飲落酸味比較重，但喺就好清爽，襯晒啲魷魚圈同個布里芝士。
薯仔溏心蛋沙律 $78先上一道薯仔沙律，唔好以為就咁薯仔撈啲沙律醬好普通咁，食落其實裡面仲有其他食材，例如青瓜、甘筍，仲有啲脆煙肉，加埋隻溏心蛋，口感好豐富。
香炸魷魚圈配甜辣醬 $78一連嗌咗3個西班牙小食，先登場嘅喺魷魚圈， 店員解釋由於甜辣醬缺貨，所以只好配上沙律醬。魷魚圈炸得金黃，入口外層酥脆香口，裡面質感柔韌，唧上檸檬汁再點啲沙律醬，食起嚟更加清爽去膩。
梅子檸香酒浸蜆 $108有別一般常見嘅日式清酒煮蜆，呢一道小食喺冷盤嚟，入口蜆肉涼浸浸，所以更加適合夏天享用，而蜆肉不單止肥美，而且，浸過梅酒，梅味非常突出，由於喺冷浸，所以，酒味都相對重。
梅子檸香酒浸蜆
$108
0 views
0 likes
0 comments
蒜香蜜糖焗布里芝士配酸種麵包 $88呢一款小食唔喺小食咁簡單，因為成大嚿布里芝士上枱，配上焗脆咗嘅酸種麵包，又用上小煎鑊，夠晒打卡感。芝士焗到好軟身，芝士味好香濃，襯埋啲蜜糖蒜片，夾埋麵包一齊食，真喺好有驚喜。不過 挑剔位喺芝士跟麵包份量嘅比例唔成正比，唔緊要，食剩嘅芝士我哋用嚟配落啲意粉度。
蒜香蜜糖焗布里芝士配酸種麵包
$88
21 views
0 likes
0 comments
明太子忌廉煙肉菠菜大蝦意粉 $148呢一道意粉又值得推介，第一喺啲意粉煮到啱啱好，夠晒咬口，其次，沾滿明太子忌廉汁，香滑得嚟帶些微辣香，混入煙肉碎、菠菜，味道更豐富；第三，啲大蝦又大又鮮甜，襯埋少少三文魚籽，好有畫龍點睛之效。
明太子忌廉煙肉菠菜大蝦意粉
$148
5 views
0 likes
0 comments
食到尾，大家都仲有虛位，就嗌多一客甜品作結，等今餐變得更完美。佢哋有獨立一張甜品餐牌，選擇亦唔少，共9款，單睇啲菜名都幾有賣點，值得一試。
流心焦糖燉蛋法式西多士配合桃碎及焦糖餅乾 $78我哋就揀咗呢一款帶法式風味（法式焦糖燉蛋）嘅西多士，成品上枱同我嘅預期好唔同，面層冚住件西多嘅喺焦糖燉蛋嘅流心版，其實有啲似淋上一層吉士漿，再做一層玻璃脆焦糖，味道幾香，而中間厚身嘅西多好軟熟，食起嚟仲有啲似梳乎厘班戟咁，再襯埋啲合桃碎同餅乾碎，非常好味，眨下眼就被我哋處決晒。
流心焦糖燉蛋法式西多士配合桃碎及焦糖餅乾
$78
4 views
0 likes
0 comments
晌度用餐氣氛輕鬆，無論啲西班牙小食、主菜，抑或甜品都做得出色，招呼亦好唔錯，侍應好年青，非常有禮貌，啲服務亦都好貼心，值得回訪。
Post
