Seoul Noodles

Open Now

Now Closed

呢間主打手工韓國麵短時間內可以開分店，插旗在港九添，都唔知邊間係首店添，於是同朋友係平日避過lunch hour係中環分店試下啦，屬於樓上舖，行樓梯上去，環境大，scan QR code 落單。枱上有好多不同的醬汁和韓國胡椒粉。$108 湯麵套餐 配迷你紫菜包飯 辣牛肉湯呢個湯底濃郁，辣，唔係得咸味，湯入面嘅材料好豐富，基本上有泡菜、木耳絲、筍、洋蔥、蔥等，所以就咁食個湯都好滿足，而牛肉口感係偏鞋，而且牛肉細細塊咁，所以感覺上牛肉份量唔多雞湯入面有整整大半隻雞，肉質嫩滑，完全唔鞋，亦有薯仔和蛋絲，湯底唔油膩，清清地，都幾似屋企煲嘅味道🤣 麵質其實就係手工麵lo，食完冇咩記憶點，滑溜的，呈扁而幼身整體係飽肚之重澱粉餐，本身已經跟配一小碗正常普通的味素飯，再配埋紫菜包飯，真是又麵又飯，份量好足，一定飽肚走人！要排隊就唔需要啦，行過想食麵可以試下嘅。