Video
Read full review
2021-07-07
8606 views
無諗過平日去食酒店Lunch Buffet都竟然9成Full！可能因為真係好抵，Hyatt Centric做緊$1080包一晚住宿及二人早午餐自助餐！午餐自助餐限在入住當日享用，食完Check in啱啱好。食物取餐區分開凍熱兩大區域，選擇非常豐富，食物質素亦相當唔錯！.冷盤區有個即叫即製凱撒沙律及藍芝士香梨火箭菜沙律，本身食自助餐好少食沙律，但望住師傅炮製就提高左我意慾食下菜。沙律旁邊有火腿，煙三文魚，麵包，芝士，醃製漬物等前菜小食，個煙三文魚正呀！日式有自助的冷麵及壽司，以及專人即切魚生刺身，我見到師傅處理原條大魚，感覺非常新鮮；而且師傅出手唔輕，一款給六片，唔駛行多轉，一次食到夠。凍海鮮雖然無長腳蟹，龍蝦或者生蠔等大眾最愛（兼最回本），只有凍蝦及青口，望落亦唔算大隻，不過我覺得可以接受。冷盤區除了前菜小食，還有飯後餐點及罐裝汽水任飲。水果有切件西瓜，蜜瓜，哈密瓜同菠蘿，件件都好大舊，菠蘿又甜又多汁，但蜜瓜就唔係好夠熟同甜。仲有原個蘋果，青蘋果，橙及布冧可供享用。甜品有十多款蛋糕選擇，其中有幾款應該係期間限定或是特別推介的。香檳燴梨啫喱幾香濃酒味，不過香檳同梨是分開的味道，唔係好夾；
食物取餐區分開凍熱兩大區域，選擇非常豐富，食物質素亦相當唔錯！
.
冷盤區
沙律
174 views
0 likes
0 comments
有個即叫即製凱撒沙律及藍芝士香梨火箭菜沙律，本身食自助餐好少食沙律，但望住師傅炮製就提高左我意慾食下菜。
冷盤
225 views
0 likes
0 comments
沙律旁邊有火腿，煙三文魚，麵包，芝士，醃製漬物等前菜小食，個煙三文魚正呀！
日式有自助的冷麵及壽司，以及專人即切魚生刺身，我見到師傅處理原條大魚，感覺非常新鮮；而且師傅出手唔輕，一款給六片，唔駛行多轉，一次食到夠。
凍海鮮雖然無長腳蟹，龍蝦或者生蠔等大眾最愛（兼最回本），只有凍蝦及青口，望落亦唔算大隻，不過我覺得可以接受。
冷盤區除了前菜小食，還有飯後餐點及罐裝汽水任飲。
水果
191 views
0 likes
0 comments
水果有切件西瓜，蜜瓜，哈密瓜同菠蘿，件件都好大舊，菠蘿又甜又多汁，但蜜瓜就唔係好夠熟同甜。仲有原個蘋果，青蘋果，橙及布冧可供享用。
162 views
0 likes
0 comments
熱帶水果冧酒蛋糕
155 views
0 likes
0 comments
甜品有十多款蛋糕選擇，其中有幾款應該係期間限定或是特別推介的。香檳燴梨啫喱幾香濃酒味，不過香檳同梨是分開的味道，唔係好夾；熱帶水果冧酒蛋糕係非常酸（！）而且完全食唔出酒味！都係普通常見的糕點穩陣啲，另外有款鬆餅有無花果響頂都幾好食。
雪糕
149 views
0 likes
0 comments
最後重點係個巨型旋轉雪糕櫃！十二款口味Gelato都係酒店自家製（應該係，除非唔係…）除左常見的朱古力，雲尼拿，士多啤梨，椰子，焦糖，綠茶，意大利芝士蛋糕，熱情果，仲有個人覺得頗有特色的港式奶茶，開心果，清薑以及香茅芒果！
我只係試左奶茶，開心果及香茅芒果，前兩個口味我覺得好好食，但香茅芒果食唔出芒果味，只有濃濃的香茅味…
熱食區就如相中所見，食物區擺放位置如一個長方形，中間是煮食區，選擇都幾多。
烤肉
157 views
0 likes
0 comments
對正入口有即切烤西冷及印度烤雞，個女職員係咁叫人要雞，我話要牛佢都夾件雞比我，唔知係個烤雞無人食定佢切西冷牛切到攰想抖下，佢仲一邊切一邊口噏噏問點解無人食雞，真係你有壓力我有壓力～個西冷牛雖然薄切，但我覺得有啲韌。
烤肉
137 views
0 likes
0 comments
旁邊有鐵板燒肉，牛肉燒到七成熟剛剛好，雞肉好嫩滑，新鮮熱辣，一燒好就即刻比人夾晒！
粉麵
121 views
0 likes
0 comments
之後左邊一排主要是中式美食，有燒臘，滷味，小炒，中湯及粥粉麵飯；小炒個牛肋條炆到好入味，而且好腍，正！
挪威三文魚
119 views
0 likes
0 comments
德國腸拼盤
127 views
0 likes
0 comments
右邊則是西式環球美食，有阿根廷燒雞，烤挪威三文魚，瑞典肉丸，德國肉腸，印度咖哩雞（仲有薄餅同黃薑飯）等等，仲有個黑松露薯蓉好香好綿好好食。
另外專人即叫即製的有墨西哥烤卷，中式湯麵以及芝士蘑菇長通粉，比較飽肚，叫一份幾個人開心Share就可以試多啲其他野。
.
以Staycation package計，房價原本$600幾蚊，宜家$1080包一晚住宿連二人早午餐Buffet，即係唔駛$500夠兩個人食兩餐，性價比真係爆燈！如果唔住酒店都可以響Openrice以七折或八折訂座，都抵食吖。
Post
