Feather & Bone (利園二期)

Open Now

Now Closed

諗住收工同老婆睇下有咩食，Feather and Bone平時就成日見到但係食就真係未食過咁就決定walk in去食下。坐低先至原來有tbone tuesday即係 T bone半價，但係原來要book，但係侍應同我講有一台冇嚟到，所以我可以食到。佢出面有幾塊揀，咁我就揀咗塊中size。揀咗兩個牛扒醬汁之後就叫咗個薯條同埋暖羊奶芝士沙律。個暖羊奶芝士沙律幾好味，因為我本身鍾意食羊肉，所以我好鍾意呢隻味道，沙律份量就唔算大大都勉強可以。等咗幾耐下牛排先嚟到，你落單嘅時候佢會問你使唔使切開，咁一定要切，因為你自己切嘅話好多骨嘅位會設得唔乾淨，會變咗嘥咗啲肉。另外啲塊扒我叫咗medium，個效果出到嚟啱啱好。我冇研究呢塊扒係邊度嚟，係唔係US prime，食落口係淋，但係可惜唔夠香。我可能要求太高因為以前食開啲好食牛扒都係喺歐洲度食，唔知點解我覺得歐洲式嘅牛扒比美國澳洲更好食。炸薯條我就覺得一般因為口感比較油膩。如果你係meet lover咁基本上一定要食因為就一定好滿足。半價完之後基本上我覺得好平。餐廳環境同埋服務都係好好。