Video
Read full review
2020-06-22
349 views
Let’s Jam!今日約左friend 5點，去左「一起果醬」食。朋友早左放工，見餐廳有下午茶食，去到6點，就試下。入座計限時90分鐘。黎呢度梗係要食佢嘅果醬多士啦。但食之前都要食d主食先。黃金蟹肉軟殼蟹意粉食到好香蛋黃鹹香味。蛋黃混入意粉中，食意粉嘅時候食到蛋黃粉粉地嘅口感。軟殼蟹幾大隻，蟹肉都幾多。我同兩個朋友分，每人都食到起碼三啖。龍蝦汁海鮮意大利飯都幾多海鮮，有兩隻青口、兩隻蝦同一粒帶子。青口同蝦插喺飯上面，賣相幾靚。蝦好大隻，肉夠實，好新鮮。最想讚嘅係個飯好多蜆肉，啖啖飯都食到。嗌左兩個甜品：果醬九宮格多士同埋果醬雪糕窩夫餅。甜品師傅喺果醬九宮格多士上面切好左9格，分別擺左9隻味嘅果醬。我自問不是金舌頭，實在不太分辨得到每一格的果醬是什麼味。我和朋友共三個人，剛好每人吃三格。我只試得出其中一隻果醬是肉桂蘋果味。邊吃邊嘗試分辨果醬的味道都頗有趣的。果醬雪糕窩夫餅揀左蛋黃菠蘿味，真係食到蛋黃同菠蘿兩隻味，一鹹一甜，估唔到蛋黃同菠蘿嘅味出奇地夾。但可能因為用左罐頭菠蘿所以覺得甜。如果用新鮮菠蘿應該會酸d。菠蘿份量足夠四塊窩夫分。個雲尼拿雪糕好大球呀。有四塊窩夫，份量好多呀！窩夫好
今日約左friend 5點，去左「一起果醬」食。朋友早左放工，見餐廳有下午茶食，去到6點，就試下。入座計限時90分鐘。
黎呢度梗係要食佢嘅果醬多士啦。但食之前都要食d主食先。
黃金蟹肉軟殼蟹意粉食到好香蛋黃鹹香味。蛋黃混入意粉中，食意粉嘅時候食到蛋黃粉粉地嘅口感。軟殼蟹幾大隻，蟹肉都幾多。我同兩個朋友分，每人都食到起碼三啖。
龍蝦汁海鮮意大利飯都幾多海鮮，有兩隻青口、兩隻蝦同一粒帶子。青口同蝦插喺飯上面，賣相幾靚。蝦好大隻，肉夠實，好新鮮。最想讚嘅係個飯好多蜆肉，啖啖飯都食到。
嗌左兩個甜品：果醬九宮格多士同埋果醬雪糕窩夫餅。
甜品師傅喺果醬九宮格多士上面切好左9格，分別擺左9隻味嘅果醬。我自問不是金舌頭，實在不太分辨得到每一格的果醬是什麼味。我和朋友共三個人，剛好每人吃三格。我只試得出其中一隻果醬是肉桂蘋果味。邊吃邊嘗試分辨果醬的味道都頗有趣的。
果醬雪糕窩夫餅揀左蛋黃菠蘿味，真係食到蛋黃同菠蘿兩隻味，一鹹一甜，估唔到蛋黃同菠蘿嘅味出奇地夾。但可能因為用左罐頭菠蘿所以覺得甜。如果用新鮮菠蘿應該會酸d。菠蘿份量足夠四塊窩夫分。個雲尼拿雪糕好大球呀。有四塊窩夫，份量好多呀！窩夫好厚，好鬆軟，口感煙韌。伴碟有士多啤梨，重有切成片嘅蘋果同奇異果。蘋果好爽口。
黎cafe點可以唔嘆下茶呢。茶有好多款選擇，見到其中一款茶名叫「南非國寶茶」，我同朋友都覺得個名幾特別就決定試一試。很喜歡透明玻璃茶壺和透明玻璃茶杯。茶壺下面還有蠟燭保持茶溫，不用擔心茶放久了會變冷。這款茶聞起來有甜味，很香，喝起來味道就跟普遍的茶一樣，易入口。但朋友說有點兒像京都念慈奄。我就不覺得。你們下次惠顧時試試吧！最開心係可以無限添飲～😍我超鍾意飲茶。無限添飲啱曬我呢個茶怪，我覺得我可以飲茶飲到天荒地老～🥰一邊嘆茶一邊同朋友傾計，好chill呀～
Post
