Video
Read full review
2023-02-12
209 views
一早訂位，同靚女飯腳試日本菜Honjokko，好期待。餐廳喺商廈地面上兩層扶手電梯就到，接待處一次過負責幾間餐廳入坐。餐牌花多眼亂，就揀咗咩都有既executive lunch。一坐底就要揀茶或水...揀咗熱茶，每位茶錢$20，細細壼上枱，成餐飯要揾店員加咗幾次水。枝豆一大碗食極唔完，醃物酸酸的，味噌湯熱辣辣好夠味。前菜分別揀咗salmon tataki 同埋wagyu tataki。上枱賣相精緻。三文魚薄片上的小小橙蓉釣出整體清新感覺。和牛薄片蘸上辣辣的七味粉同醬汁，再配上粒粒玄米的焦香，惹味好突出。刺身兩款都新鮮，壽司三件，已經預先蘸上唔同醬汁，味道突出，成功隱藏生魚片的味道。主菜分別揀咗天婦羅同埋豬腩肉。天婦羅全部係菜，有西蘭花/蕃薯/南瓜/鮮冬菇，炸粉好脆，食入口好有存在感。豬腩肉用類似大阪燒既醬汁燒製，入口甜甜的。豬腩肉一層層肥一層層瘦，煮得好腍。甜品有黑芝麻creme brulee，賣相討好有趣，面頭的芝麻糖薄脆，甜滋滋又好香芝麻味，配雪糕有焦糖海鹽感覺，而主角芝麻creme burlee就好新奇。另一甜品就係matcha lava，賣相有趣，係咪扮一條橋跌落熔岩😂，一塊長
餐廳喺商廈地面上兩層扶手電梯就到，接待處一次過負責幾間餐廳入坐。
餐牌花多眼亂，就揀咗咩都有既executive lunch。一坐底就要揀茶或水...揀咗熱茶，每位茶錢$20，細細壼上枱，成餐飯要揾店員加咗幾次水。
枝豆一大碗食極唔完，醃物酸酸的，味噌湯熱辣辣好夠味。
前菜分別揀咗salmon tataki 同埋wagyu tataki。上枱賣相精緻。三文魚薄片上的小小橙蓉釣出整體清新感覺。和牛薄片蘸上辣辣的七味粉同醬汁，再配上粒粒玄米的焦香，惹味好突出。
salmon tataki
17 views
0 likes
0 comments
wagyu tataki
9 views
0 likes
0 comments
刺身兩款都新鮮，壽司三件，已經預先蘸上唔同醬汁，味道突出，成功隱藏生魚片的味道。
主菜分別揀咗天婦羅同埋豬腩肉。天婦羅全部係菜，有西蘭花/蕃薯/南瓜/鮮冬菇，炸粉好脆，食入口好有存在感。
豬腩肉用類似大阪燒既醬汁燒製，入口甜甜的。豬腩肉一層層肥一層層瘦，煮得好腍。
甜品有黑芝麻creme brulee，賣相討好有趣，面頭的芝麻糖薄脆，甜滋滋又好香芝麻味，配雪糕有焦糖海鹽感覺，而主角芝麻creme burlee就好新奇。
另一甜品就係matcha lava，賣相有趣，係咪扮一條橋跌落熔岩😂，一塊長長的薄牛油酥餅，斜放熱辣辣既半凝固既抺茶醬上，甜甜的充滿牛奶味。
*上菜節奏悠閒，有足夠傾閒偈時間。
Post
