農耕記 湖南土菜 (東港城)

Open Now

Now Closed

到咗將軍澳“蔚藍灣畔”探朋友，咁啱見到東港城農耕記（湖南土菜）試業，呢個係我鐘意的湘菜餐館啊，朋友未曾試過，我就強烈推介佢試吓，話唔埋下次就同我一様鐘意番，咁就可以多多同佢一齊試多D唔同嘢，諗起都開心。嗌咗三個餸一杯嘢飲。“鮑魚辣椒炒肉”，“蒜蓉粉絲蝦仁”和“清炒毛白菜”就係三餸，其中"鮑魚辣椒炒肉"真係檯檯必點餸，亦只有佢係微辣，另二樣就唔辣，適合初試者，費事嚇親朋友。有一樣嘢係我要講嘅，就係平時我係唔食蒜頭㗎，但今次辣椒炒肉入邊啲蒜頭入晒味，又腍腍哋超好食，不知不覺就咁食落肚，一啲都有剩，勁呢👍🏽👍🏽“粉絲蝦仁”道餸好靚咁好擺好喺個鍋度，上檯即煮，仲有個漏斗計時器幫助計時，真係好新鮮，又可控制時間令到個蝦不會過熟。"香水檸檬茶"有成1L，所以2人一杯share啱啱好。