勝利茶餐室

Open Now

Now Closed

早餐點了豬扒包, 餐肉麵及2杯奶茶豬扒包 : 很好吃, 豬扒醃得很入味, 個包焗得很香脆, 有水準 餐肉麵 : 餐肉切得厚, 麵很彈牙奶茶 : 具香港茶餐廳之水準

到澳門的第二餐就係食佢啦不過碰啱lunch time,好鬼多人我地2個人, 只係叫左一個豬扒包同埋凍檸樂佢地都冇黑面喎, 服務勁好而這個吉列豬扒包也好好味好大塊...

女友是澳門人..她介紹我來吃豬扒包..因為她小時候經常來這裡吃的..果然沒有令我們失望..依然是大大塊的豬扒..每口也是肉..更沒有太油膩的感覺..比起某些要排隊的所謂聞名豬扒包..不但不用等..味道還要好..還點了熱奶茶..很滑,也不失為一個豬扒包不錯的配搭.

好難得等到長假期，可以同阿K一齊食勻澳門。根據早幾期嘅「飲食男女」入面記載嘅澳門飲食指南，我地決定嚟一個「澳門喪食之旅」。第一站就係據稱豬扒飽比著名嘅「大利來」更好食嘅「勝利茶餐廳」。根據雜誌嘅描述，呢度嘅豬扒飽，豬扒多汁而嫩滑，外皮香脆。二話不說，我地緊係叫咗一客豬扒飽啦！ 等咗一陣，豬扒飽終於奉上。一份飽切開兩半，我隨手攞起一半就食起上嚟。初咬落去，果然豬扒非常多汁，但係多汁過頭，有啲水汪汪嘅感覺，再咬落去，脆皮與豬扒身分離。弊傢伙！原來豬扒本身其實冇乜味，肉就鬆軟了，但係冇豬肉本身應有嘅彈性。除咗豬扒飽之外，我地仲叫咗一碟「葡式焗魚」。魚係鱸魚，但配上葡汁，感覺怪怪的，反而混在葡汁入面嘅薯仔反而十分爽脆，吃完一塊又一塊。結賬埋單，平均每人大約三十蚊。我平時食晏都會幫襯呢間舖頭，但係講到要招呼朋友，都係揀第二間餐廳。

星期日早上不停找早餐食,行行下見到呢間茶餐廳,入面仲坐左好多人添,我們就入左呢度食早餐,都有幾多款選擇,初初看價錢都覺像跟香港的差不多,有一些餐還比香港貴一點呢,我們還以為這間茶餐廳不會怎麼好吃的.我們每人都叫了一個早餐,一個火腿通粉配火退煎蛋跟餐飽,一個五香肉丁通粉配火煺三文治,兩個沙嗲牛肉通粉跟火煺煎蛋配餐飽,一個雞亦麵是生麵來的配火煺三文治,我們看到這裏有豬扒飽,於是叫了兩個試下,食物來了,是餐茶先來的,我叫的好立克及媽媽叫的柯華田都要加2元,因這裏除了普通的奶茶咖啡不用加錢外,所有其他飯品都要加2元,無論是熱及凍都是一樣,飲品一般,但不夠熱,暖暖地.媽媽的火煺通粉先到,但好像湯跟通粉是分開的,她說很淡沒有甚麼味道,我的五香肉丁就好有味,都ok,其它的沙嗲牛肉及雞亦都是一般,不是特別好味,之後來了的火煺三文治是有兩件的,都幾軟,ok,另外的火煺煎蛋配餐飽,那個餐飽好大個,還有一塊牛油在裏面,而且飽是好軟的,他們說好味道,豬扒飽也很大個,豬扒是炸的,飽都烘都好脆,好好味呀呢個豬扒飽,雖然跟其它是煎的豬扒飽不同做法,不過我鍾意食香口野,所以覺得好疏化好正.呢間餐廳都有好多人不斷的進來

唔鍾意大利來有骨既豬排包, 上網又CHECK到呢度D豬排包好味(最緊要係冇骨!),而家地點又方便, 所以決定黎試下!網友們果然冇讚錯!D豬排包勁大個!! 個豬排炸到好香好脆, 個包又軟熟得黎又好味!仲要查左牛油再去烘, D牛油索哂落包心勁香!加埋杯香滑奶茶, 簡直係天依無逄!而家諗起都流口水! 好想快D再去!

澳門出名豬扒包大家都知啦~本人覺得澳門最正既豬扒包絕對係勝利!!肪利既豬扒包唔單止又平~仲要勁大個!我食半個已經飽左一半喇!如果2個人食最好一個豬扒包再加多樣野share~佢既豬扒仲要係脆卜卜ga!真係好好味好味!所以我去親澳門2日都會食2次ga!另外佢既焗骨飯都好好味~個飯係炒飯底~仲有好多汁ga!焗骨飯d骨都係豬扒~但近骨d肉係特別淋同好食ga!總括黎講~呢間勝利絕對食得過!仲要係極力推畀tim呀!!!(我見到d相已經好想食番>.<)

豬扒包個人覺得比大利來的好吃，可以一試，其他就跟一般茶餐廳分別不大。註：雖然餐牌冇寫，而家早上也有豬扒包叫。

話說某天晚上看著電視，某節目中說著"豉油西餐"這話題；腦內一閃不是節目中的餐廳，而是價廉物美；澳門老字號的勝利茶餐廳．．．我偏愛勝利茶餐廳的牛柳套餐，一鐵板兩大份牛柳肉，建議五成熟為佳，配上黑椒汁肉質鬆軟，附加意粉或飯一碟及餐飲，份量相比眾食肆還要多，可惜現在的配汁已預先淋在牛柳上，沒有了以前自行淋上配汁時，熱氣加上 "滋嘩啦" 的氣勢．出名豉油西餐，香港還未算獨有的產物呢～

2007年11月26日，勝利茶餐室今天第三站，叫了2個下午茶餐（16元一個）：豬扒包：豬扒是炸的，另一半覺得脆皮不錯，但我覺得比較乾，但味道也算不錯，包都脆，但不夠香。但整體比大利來好很多了。熱奶茶：茶比較薄，不夠香。蝦多士：OK，很脆，蝦味不算濃，但也不算很油。可以試試。熱咖啡：也淡和薄，一般。豬扒包2點半才有得吃。