勝利茶餐室

Open Now

Now Closed

二月十三日 (星期日)情人節前夕的晚上,未吃晚餐,光是小吃已吃得半飽不過,一直想去的勝利茶餐室,我們仍堅持要去內裡裝潢與普通茶餐廳無異甚至乎是有點污衊…還有人在吞雲吞霧…有點不舒服為了減輕大家的負擔,我們決定共同分享一個鐵板餐另外加一個蝦肉奄列看到鄰桌的食客那些巨型的鐵板餐,證明我們的選擇沒錯我們點了吉列豬扒意粉,配豬潤豬肝湯豬扒即叫即炸,極厚,但又不覺肉質變”嚡”反之,可以做到外脆內嫩的效果,果然是這裡的鎮店之作豬潤豬肝湯十分潤喉對於已吃了不少熱氣小食的我們真是救命恩人意粉只是普通貨色,不吃也罷蝦肉奄列,唯有佩服廚師可以找來那麼細少的蝦毛吃落水準一般,蝦更不用提爽不爽,而且沒有欠缺鮮味誠意推介鐵板餐!!!無論如何,我倆是晚捧腹而回...同時期待明早酒店的早餐

食肉獸，突然想食扒又係新馬路到，咁就平平地去勝利啦！入到去，多人但仲有位置，但係地下有油+水積，真係要好小心！坐低叫左個T骨扒餐 +焗豬扒飯 (MOP5X+2X)，等左好耐先黎 AR!!! 個扒太熟，變得好 'un' ，下次都係叫番肉眼扒好d。個焗豬扒飯唔得，個飯底濕得制，豬扒'林芝芝'，真係麻麻地!!!但以100元以內的價格算係可以，當然都會再去la

間鋪都好易搵．．新葡京沿新馬路行１０分鐘就到ｌａ大概４點半去到．．．仲怕會好多人．．竟然大把拉一行３人點了２個豬扒包同一個椒鹽雞中翼，１９蚊１個餐．．涷奶茶要加４蚊．．大可樂先加２蚊同埋熱鴛鴦加４蚊的涷奶茶茶味還可但奶唔得同唔夠滑，　鴛鴦淡而無味．．不過主旨在豬扒包豬扒包１大個，　一路以黎聽人講澳門豬扒包好好味，　原來也不外如是．　只係用黎充飢就幾抵．．．但香港ｄ豬扒包真係好食過去多多聲，　試過就算

難得黎澳門就梗係要食豬扒包啦!呢間真係好多人..一黎我地等左陣! 然後我地一行4人被安排搭去人地有一個人坐緊既4人卡位-__-個男人都幾慘..比4個女仔迫埋牆XD我地一人叫左個有名既豬扒包!逆先黎果個我食左!!一咬落去塊包同塊豬扒好脆! 豬扒仲要好厚! 厚得黎又唔會硬..都幾林=) 而塊包又唔硬..好鬆脆!我仲發覺塊porkchop係有肉汁..幾juicy!所以唔會好乾! 但有舊骨就要lur出黎-_-

同朋友去了澳門玩, 落咗船就好肚餓, 所以那那聲搭車去醫肚...朋友帶咗我去 "勝利茶餐室" 食野. 由於 2 個女子, 又想試下其他野食. 所以就叫了一個 "公司扒意粉" 2 份食. 點知道黎到時一件公司扒都冇. 只得火腿絲, 雞旦絲, 生菜媽 & 少少蝦...問咗佢地, 佢地話係 arm 喎, 唉! 都冇計啦, 都要食架...我覺得碟意粉炒得太多油, 而且唔夠味, 啲意粉好林...都幾難食...

去了澳門那麼多次，吃過很多豬扒包，唯有這個豬扒包，才符合一直以來心目中對豬扒包的要求。豬扒現點現炸，吃時外皮夠脆，肉又入味。豬扒用炸的比較罕見，但可能正因為這樣，才鎖得住豬扒的肉汁。豬仔包也很新鮮，不難咬開。另一道鮮牛肉三文治，牛肉一般，反倒是麵包很柔軟，又有牛油香，非常驚喜。這家茶餐廳就在新馬路旁，非常好認，與其跑老遠去吃據說已經水準大跌的大x來，個人覺得吃吃這裡的豬扒包更不枉此行。食評在我的blog: http://blog.yam.com/chrltt5/article/28990655

朋友帶的來食西式早餐, $23 一份, 佢叫左沙爹牛通粉, 我叫左五香肉丁通粉. 通粉質地好, 唔會好'林'. 沙爹牛不似用罐頭, 係自己煮, 有 wok 氣,有青,紅椒的香, 好味.肉丁則普通. 腿治的麵包超好味, 好軟...yummy, 下次來要再食, coffee ok. 餐廳好有懷舊 feel, 香港好難搵到

好味豬扒包!比起更出名ge大利來記我更喜歡呢度ge豬扒包!飽同豬扒都夠脆同熱呀!豬扒多汁!加上大塊!(基本上全個包都偏大ge!)可能即製~所以要等耐d 15mins 度~但就係即製先夠熱夠好味ma!仲有!15$一個 價錢合理!女仔2人share一個都ok ga la!(唔係for填飽肚,而係過下癮!!!)

逛街逛得有點累, 想找一處小店小休一會, 誤打誤撞闖入勝利,既來之則安之, 先觀察枱旁客人愛點那些招牌菜, 發現很多人均在吃咖哩飯或焗飯, 此外, 亦愛點一客吉列豬扒包分甘同味, 由於仍未感肚餓, 故只想要一點輕食, 於是點選了豬扒包及熱咖啡, 同行友人則點了奶油多, 雖然我對吉列製的食物不甚喜愛,怕食物會變得乾硬, 但見幾乎每枱一客, 一定有其過人之處, 所以破例試試。吉列豬扒包豬扒頗大塊及厚身, 麵包則一般, 豬扒表面雖然經過油炸, 但內部仍有肉汁, 但吉列外層始終較油膩, 並有少少刮口的感覺, 最後我把大部份外層剝走, 用麵包夾着豬扒吃, 則有吃傳統豬扒包的感覺, 但此食法令人覺得質素無甚特別, 但喜歡香口食物的朋友, 則不妨一試。奶油多士朋友認為水準一般, 如此簡單的食物, 並無期望有特別驚喜。熱咖啡味淡無咖啡香味, 還是香港的茶餐廳質素較佳。順帶一提, 那日我們等了差不多二十分鐘仍未見食物送上, 不知是待應忘記入單, 還是製作需時, 經兩次催促後, 等到三十分鐘後方見豬扒包的芳踪, 趕時間的朋友要注意

因為聽人講呢度既豬扒包同扒餐好好食..所以就去食下午茶當我地坐低睇緊menu既時候隔離枱有個嬸嬸好大聲咁話呢度d豬扒包好好食ga..咁當然就order左2個豬扒包加熱菊蜜同奶茶(下午茶餐)等既途中見到好多枱都係order豬扒包..可想而知佢幾出名大約15分鐘後終於黎到啦, 塊豬扒冇想像中大同個豬仔包size一樣食落唔會太乾或油膩, 有一定厚度, 個包幾新鮮外表烘過少少脆...好食過氹仔哥間埋單38蚊..下次會再去食埋佢既扒餐

同朋友入十六浦娛樂場玩咗幾個小時，出返來新馬路已經差唔多8點。大家都肚仔餓於是行落營地大街既勝利茶餐室。呢間老舖開咗20幾年，陳設環境好有懷舊情調。晚市個場都幾旺，我地入到篤先搵到個2人卡位坐，不過檯面都幾窄吓。呢度出名吉列豬扒包、焗豬扒飯、西多士及鐵板扒餐。呢個時間，我地梗係食鐵板扒餐啦...我同朋友不約而同都係叫鐵板黑椒西冷牛扒餐跟意粉，頭湯係牛尾湯。牛尾湯--忌廉底，有牛尾肉絲，非常行貨。鐵板西冷牛扒--黑椒汁係鐵板落檯先至上，夠晒熱氣騰騰。牛扒有上下兩件，下面墊住薯條同什菜，認真大堆頭。牛扒咬落有質感，用刀切開有肉汁，確實價廉物美。朋友件西冷太大，又比埋一半我食。跟餐意粉--係茄汁底炒意粉，雖然炒得稍乾，但係都忍唔住食晒。勝利茶餐室服務一般，好多時個樓面要跑2個場，埋單要自己拎出櫃面。今次用膳每人都係$60左右...

好欣賞呢度ge焗豬扒飯..細細煲.但足以你飽到嘔..嘿嘿..d豬扒好林,,好正,,d炒好香..首選...食完飯當然要飲下野,,奶茶都好好味..我比較鍾情小奶小糖..我覺得佢岩岩好.. 不過間野算大,,但入到去,,第1.電話信號變低,,,有異味,,同埋廁所唔太乾淨,,如果改善呢d~~ 一定會有更多人去食!!-v-

離開澳門之前.試埋最後呢間豬扒飽.但等就等左好耐.唔知係間餐廳個時多人呀.or 好人做野.但好彩..1食就覺得等都ok啦;)個飽夠大個!仲賣$12 炸.係澳門最平的豬扒飽!先講個飽.唔會太dry太難咀嚼!已經好ok.塊扒先係main pt!!!!好厚好juicy!!!!!!!!而且好香口.因為佢全圴都係炸過的.有d似吉列. 但粉唔厚呀!係佢本身塊豬扒就厚身到爆呀!食落好香好juicy!!!真係好正.我覺得澳門最好食ga豬扒飽應該係呢間先岩!!!!又唔洗刻意等3點鐘. 而且價錢最平!!!下次再黎會食同推介呀!!!

未食過澳門其他豬排包, 這個的確同係香港吃的不一樣, 成個都唔油唔厚粉, 好脆, 新鮮整, 不過呢就真係冇乜豬肉味 (個然早餐牌上係冇豬排包, 問就有架啦)早餐set: 麻麻地, 有蛋,火腿, 餐包, '雙魚麵' . 黎到係變左'雙丸麵', 可能個餐牌用左崔世安國語併音下次想試焗骨飯同鉄版餐

已到澳门第二天，由于在网上看了一些食评，所以就来试一试。呢度的猪扒包果然名不虚传，香脆的面包(已烘热) 和厚厚扎实的猪扒，光是卖相已经非常好，咬下去跟是不得了。 猪扒里面的汁非常的多，但又不至于流下来。这味道到现在想起还是会让人很满足。妈妈点了海鲜炒饭，看上去普普通通，吃下去才知真相。这饭就只用一个字能形容。就是一个“鲜”字。万万没想到在这种普通的茶餐室竟然可以吃到如此美味的食物。所有的材料都是新鲜的食才，咬下去就是带有“海”的味道。赞！赞！赞！！其他的菜色比如猪扒局饭 和咖哩饭都表现马马虎虎，但都很大份，包你一定吃到饱。在离开澳门前，又到了胜利，这次每人叫了一个猪扒包。。。哈哈，真满足值得推荐！！